Tar Khawhlonak Si.

Tar khawhlonaknak sii ‘ timi sullam. Sechoh. (zu,bing,no 4 ) thlah loin a tawng thamtu paoh paoh an tar hlan kum note(.40) hrawng ah an thi deuh hna. curuangah rithai sii a tawng thamtu pawl cu. an tar hlanah an thi i, sechoh (zu,bing,no 4 ) hi ”tar khawhlonak sii’ tiah an chim.

Nihin. Vawleipi ah. Sechoh bing,no 4 minung a rittertu sii a tawng thammi zeizat tluk dah an um hna hnga?A rauh hlan ah an hrial lo,an tongh tham peng ah cun.an tar hlan kum note in thih cu an ton dingmi a si.

Curuangah ‘ Tar khawhlo’ na duh a sile rithai sii a phunphun kha zing,chun,tlai,zan ti loin na ei/din/chunh ahau tinak a si A sinain. Phungthlukbia 10:27 “Bawipa ttihnak nih hin chan a sauter, Sihmanhsehlaw mittha lo hna chan cu a tawi. “Tiah kan hmuh cucaah. Hi baibal cacang nih hin na thinlung lam in hruaihram sehlaw tiah thazaang kan pek le forhfial kan duh. Ref: Lungrawn Par

Ngaihthiam Awk A Tha Lomi Sualnak: Billy Graham Bialehnak

Biahaltu: Pathian nih a ngaihthiam khawh lomi sualnak zei hna dah an si? Hi kongah ka lungre a thei lengmang zeicatiah mi tha ka si bal lo; cheukhat ka tuahmi thil zeimawzat hna cu ngaihthiam khawh dingmi an si lai lo tiah ka ruah. Pathian nih a ka ngaithiam kho hna hnga maw?

Rev. Billy Graham: Pathian nih a ngaihthiam khawh lomi sualnak pakhat a um. Cucu Jesuh Khrih thawng in nun thar le ngaihthiamnak a lakka (free) tein a kan pekmi cohllanpiak lo hi a si. Mah lawng hi ngaihthiam khawh lomi sualnak a si zeicatiah kan cohlan duh lo tikah Jesuh Khrih kan zumh duh lo lawng si loin Thiang Thlarau riantuannak zong kan cohlan duh lo a si (Luke 12:10).

Jesuh Khrih cohlan duh lo hi zeiruangah dah a tihnun? A ruang pakhatnak cu, Jesuh Khrih cu taksa in a rami Pathian kha a si. Kan cohlan duh lo tikah kan zumh lo lawng si loin Pathian he pehtlaihnak ngeih kan duh ti bantuk he aa khat. A biapi tukmi a pahnihnak cu, Jesuh Khrih cu khamhnak kan hmuhnak caah Pathian nih lam a kan pekmi a si. Kan herh bikmi cu kan sualnak in ngaihthiamnak hmuh hi a si.

Kan zumh lo ahcun Pathian sinin ruahchannak zeihmanh a ngei ngam ding kan si lo. Pathian pennak zong ah umnak kan ngei lo. Jesuh Khrih kan zumhnak nih Pathian kan zumhnak le kan cohlannak a langhter. Jesuh Khrih kan hmuh ning le kan cohlang ning nih Pathian kan hmuh ning le kan cohlan ning a langhter dih. Cucaah Jesuh Khrih hi kan zeizong biaceihtu a si. Jesuh Khrih ah hin kan sualnak ngaihthiamnak le kan nunnak a um.

Cucaah Pathian nih a Fapa Jesuh Khrih a kan pekmi cohlan zong a biapi i, a duh ning nun zong a biapi. Pathian nih ahodah kan si timi a kan zohnak le an kan hmuhnak cu a Fapa Jesuh Khrih ah hin a si. Pathian nih a kan ngaihthiamnak cu a Fapa Jesuh Khrih kan zumhnak ah a si i, a kan ngaihthiam khawh lonak zong a Fapa Jesuh Khrih kan zumh lonak ah a si lai. “Fapa kha a zummi paoh cu sual biaceihnak a ing lo, sihmanhsehlaw a zum lomi cu sualphawt a si ko cang; zeicahtiah Pathian Fapa ngeihchun kha a zum lo” (John 3:18).