Tutan Myanmar Idol Season 4 Top 8 zuamnak i Tan Khun Kyaw a tlaknak a ruang hi ruah lengmang ahcun ngaihchia khi asi. Top 8 Country song a sak hla ahkhan Judges pawl hrimhrim an lungtlin tuk ve khah a thiam khawhning kha mu kan hmuh cio ko. Thiam leiah cun a thiam bakmi asi ko asinain, a tlaknak aruang cu Vote ruangah te ah asi. Nain Tan Khun Kyaw cu top 8 ah atlak lio ah amithli a tla lo, a tap lo, mihmai panh tein um a zuam i a hawile tu nih an ttah hnawh.

Adonghnak thlahnak biacah achim lio zongah Tan Khun Kyaw hi ngaihchia in a tap lo. Ahawi le nih an mitthli he an kuh lio zongah Tan Khun Kyaw cu mithmai panh tein um aa zuam peng. Tan Khun Kyaw chungkhar dirhmun a chimmi ruah than tikah hin tutan atlak hi cu apoi tuk ko. Ngakchia tangruk ka kai lio ah hringtu kapa nih a kan thih tak caah chungkhar harsa ngaiin khua kan sa tiah a chim. Cutluk a harsami chungkhar/ngaktah sifak chungkhar in a thanglianmi nih nihin ah Myanmar Idol zuamnak ah top 8 tiang hna a phanh khawh hi upat tlak tak tak khi a si.

Cu lawng hmanh si loin Mechanical Engineering hna cawn khawh hi Pathian nih Tan Khun Kyaw hi a cawisang hrim ko, thluachuah a pek hrim ko ti fiang tein hmuh khawh a si. Amah hi Pathian leiah tampi thazaang a chuahmi a si tiah theih a si. Nikhat khatah cun Tan Khun Kyaw cu miphun le ram caah hmantlak pasaltha a si te ko lai. Ngaktah sifak santlailo a dirkamhtu Pathian nih Tan Khun Kyaw cu a cawnnak ah hlawhtlinnak pe hram ko seh.Atangah Inteviews an tuahnak le hal a sakmi ngaih khawh asi.

https://www.youtube.com/watch?v=YOADMuw9OWA

https://www.youtube.com/watch?v=AmR-l-fdLVM