Tutan Myanmar Idol Season 4 Top 8 zuamnak i Tan Khun Kyaw a tlaknak a ruang hi ruah lengmang ahcun ngaihchia khi asi. Top 8 Country song a sak hla ahkhan Judges pawl hrimhrim an lungtlin tuk ve khah a thiam khawhning kha mu kan hmuh cio ko. Thiam leiah cun a thiam bakmi asi ko asinain, a tlaknak aruang cu Vote ruangah te ah asi. Nain Tan Khun Kyaw cu top 8 ah atlak lio ah amithli a tla lo, a tap lo, mihmai panh tein um a zuam i a hawile tu nih an ttah hnawh.

Pathian aa bochanmi asi bantuk tein Pathian nih a umpi thluachuahnak a pek i, sifak santlailo te si hmanh sehlaw, cheukhat hlasakthiam minthang pipi nak hmanh in fans a ngei deuh cang i, mi tampi nih an siang cio lo.

A tlakning zong mipi an lungtling cio lo. A tlak tuantuk tiah cheukhat nih anmah le ruahnak an chim cio hna. Ruah lo tukin Top 8 ah atlak tikah hin cheukhat nih cun athiamnak an zoh lo vote an zoh caah aa tlaknak a si tiah a timi zong an um pah len.

 

Atuhi Pathian nih thluachuahnak a pek a umpi i, Mechanical Engineering a cawn khawhmi hmanh hi lawmh a tuk hringhran Pathian thluachuah taktak asi. Thazaang pe cio rih ko hna usih! Myanmar Idol i atla ko nain mipi thinlung ah cun a cam peng ko i, a fans pawl hrimhrim zong an karh chin lengmang.

A chuahkehnak khualei ah a kir i khuami le mipi a fans pawl nih lunglawm tein an rak don stage cungah special taktak in caan ahmang caan an suaipiak. A zohtu le thazaang  a petu an tam khawhning cu lung a hmui kho taktak. Pathian nih fimthiamnaka cawnnak ah umpi in hlawhtlinnak taktak pe hram ko seh!