Myanmar Idol Season 4 zuamnak ah Top 8 tiang a phan vemi Tan Khun Kyaw cu Myanmar Idol a chuah taak hnuah lungrethei thlalau ngaiin a um i, buainak phunkip a tong. Myanmar Idol thlahnak hla ah nu ngakchia tlaihhremnak hla a sak i, cu hla a sak hlan te ah cun keimah nih ka phuahmi hlah tiin a chim sual i, hlaphuahtu taktak asimi Chan Bo le hla a sa hmasatu Saw Lah Thaw Wah an thin a hung i taza cuai tiang an timh phah.

Cuticun buainak a hung chuak i, Tan Khu Kyaw nih Chan Bo le Saw Lah Thaw Wah cu a raannak in ngaihthiam a hal ve hna i, lungtling tein Chan Bo le Saw Lah Thaw Wah nih an ngaihthiam ve i, an facebook cahmai ah Tan Khun Kyaw ngaithiam ca zong an tarlangh veve.

Tan Khun Kyaw cu cuti ngaihthiam asi hnu zongah dai tein a um sawhsawh lo, Facebook ah Chan Bo ngaihthiam a hal tthan. “Naw Tah Myint Yi” timi Pathian hla pakhat zong ka pute nih a phuah i a fanu a sak ter hmasa bikmi asinain a phuahtu ah Thomas tiin an bunh hoi. Cucaah kei a tupa nih ka tuar ngaingai tiah ca atthlah tthan.

Saw Mercellous nihcun apa nih fianternak a tuahmi cu a Facebook ah a thlah i, “Tan Khun Kyaw rak chimh uh” cuti lo cun taza ka cuai lai” tiin a tar. Cu cang ka cun Tan Khun Kyaw nih cun video call in Saya Thomas cu a chawnh colh i, a nu he mitthli tla in ngaihthiam an hal. Cutikah zumtu ttha Saya Thomas nih cun a rak ngaithiam hna lawng hmanh si loin Tan Khun Kyaw cu thluachuahnak a pek chih. Saya Thomas a fa Saw Mercellous le Yadanar Thomas zong nih an cathlahmi cu an delete colh i Tan Khun Kyaw ngaihthiam ca an tar hnuah thluachuahnak an pek ve.

Tu ah cun Tan Khun Kyaw zong hlaphuahtu kongkau i buainak a ngei ti lo. A khua ah a kir i sunglawi taktakin an don. Cun December 29 ah Naga pawl nih Concert sunglawi taktak in an tuah piak lai. A fapa zong Bawipa nih amah sunparnak caah hmangin thluachuahnak pe ko seh!