Atulio mipi nih an buaipi ngaimi le an ngaihchiatpi ngaimi cu ahodah asi ti ah cun, Myanmar Idol Seaon 4 zuamnak ah Top 8 a tlami kan naupa Tan Khun Kyaw hi asi. Country Song a sakmi hna ah khan cun a thiam khawhning kha mu. A aw le a hla aa rem ning le athiamning kha a mak. Cu lawng hmanh si loin Judges pawl nih an uar i an lung a ton taktak hna khah.

Nain top 8 result an phuan cu Tan Khun Kyaw cu atla ruangmang ko ai. Amah hi Chinmi ka si tiah a ti ko nain chuahkehnak taktak zohtikah Naga hrin asi. A Facebook zongah Tan Khun Kyaw(Naga) tiah aa timi asi. Nain theihnak ah anu hi Chinmi a si tiah an ti caah Chinmi tiah kanmah zong nih kan tanhmi asi.

Tan Khun Kyaw interview an tuahnak i comment cheukhat nih cun idol ah teinak cu phaisa a si. Cu caah Tan Khun Kyaw zong hi atlaknak a siko tiah an comment len. Tukum Myamar Idol Season zuamnak hi zoh lengmang tikah thiamnak nakin hmanh in phaisa hi pakhatnak a rak si taktak ko. Aruang cu Tan Khu Kyaw a tlaknak mee (vote) ruang bakah asi.

Tutan kan vun tarmi video hi Yangon ah a ummi Naga Baptist Church ah Pathian thangtthatnak hla a saknak asi. A thiam kho taktak. A aw ngaih cim asi hrimhrim lo a thiam kho tuk. Kan tuarpi tuk cio. Na share piak ve nak lai kan in sawm hna.

Note: Nangmah pumpak ruahnak ma siloah, thawngpang pakhatkhat zamhpiak na duh asi ahcun @J Vanduhthar Lahnin (www.chinworldnewsevening.com) ahhin kuat khawh peng kan si.