Taingen Kahdohnak Update Le CNA Ralbawi Nih A Chim Mi

Chin News

Chin dothlennak phu pawl nih sakhaan lak kahdohnak an tuah cuahmah mi Chin ramkulh, Tedim peng um ralkap Taingen sakhaan lak khawh nakhnga kan i zuam cuahmah tiah CNF chimphuannak nawl a ngeitu Salai Htet Ni nih January 14 ah People’s Spring ah a chim.

Kalay-Hakha lam um Taingen ralkap sakhaan cu January 12 zaan ah kah hram an thawk i January 14 ah sakhaan chung an lut kho ko nain ralkap lei nih vanlawng, hriamngan hna in kahdoh a bawmh caah sakhaan an la kho rih lo tiah a chim.

“Vanlei le Kalay in hriamngan ceilak a hman” tiah a chim. Cu bantuk in vanlei le hriamngan nih kahdoh a bawmh ko hna bu ah mipi hriamtlai phu pawl nih hnu tolh lo in an nam chih ve hna tiah a chim.

“Hnu kan tolh lai lo, sakhaan lak ding in kan i timh cang caah kan thlah lai lo” tiah Salai Het Ni nih a chim chap.Taingen sakhaan kahdohnak chung ah mipi hriamtlai lei a nunnak liam mi an um bantuk in ralkap lei zong a thi mi an tam tiah a chim.

Leave a Reply