Tahan Um Mi Chin Pa Nih Ram Dang Mi Kum Tling Lo A Tlaihhrem Caah Kum 20 Chung Thong A Tla Lai

World News

Nu Tlaihhrem Ruangah Myanmar mi Pakhat Cu Kum 20 Thong Thlak Dingin Mizoram Ah Biaceihpiak A Si The Chin Post || 24 November 2023 India ram, Mizoram ramkulh Kolasib pengkomh ah kum 14 tluk nu pakhat a tlaihhrem ruangah Kolasib pengkomh biaceih zung nih sual an phawtmi, Myanmar rammi Pu Mang Tin Dam cu November 23, 2023 ah kum 20 thong thlak ding le Rupees 5,000 liam dingin bia an ceihpiak.Myanmar rammi kum 28 tluk Pu Mang Tin Dam nih kum 14 tluk nu ngakchia pakhat cu zanriah ei a rak sawm i an inn ah thlah ti loin 2020 November 20-21 hrawng ah Aizawl lei kalnak lam ah kalpi in a rak tlaihhrem, tiah an chim. Mang Tin Dam hi Kalaymyo, Tahan khuami a si, tiah Mizo lei Media nih an ṭial. November 26, 2020 ah Kolasib police station ah FIR a lut i, Mang Tin Dam cu palik nih an rak tlaih colh. Palik nih hlathlainak an tuahmi tette cu biaceihzung ah chuahpi a si hnu in biaceihzung nih sual an phawt. Kolasib biaceih zung nih Pu Mang Tin Dam cu ngakchia tlaihhrem runvennak upadi (Protection of Children From Sexual Offences Act -POCSO Act Section 6 ) le Indian Penal Code – 363 in 2023 November 23 ah Kolasib pengkomh biaceih bawi Pu R.Vanlalena nih kum 20 thong thlak ding le Rupees 5,000 liamter dingin bia a ceihpiak.ref: the chin post

Leave a Reply