SYLA Nih Christmas Le Kum Thar Kar Zapi Zulh Ding An Thanh.

Chin News

SYLA Nih Christmas Le Kum Thar Kar Zapi Zulh Ding Thanh. Tukum 2023 Christmas le Kum Thar caan chung ah mizapi nih lunglawm thanuam tein caan an hman cio khawhnakhnga zapi nih an theih awk le zulh ding cu Sangau Sub-YLA nih a tanglei bantuk hin an thanh.

Christmas le Kum Thar lawmhnak caan chung ah rithaisii, Zu ruang le buaibainak ruang i tlaihkhih a tong mi cu cuhlan nak i fak in hrem le chimhhrin an si lai, cun Branch kip ah Duty Post tuah a si lai i, Duty Post ahhin Branch YLA kip nih anmah le siarem ning in a tam khawhchung duty ding a si i, khuachung ah buaibainak le hnahnawhnak a tlun lo nakhnga anmah le tuah khawh cio in thazaang an chuah lai. Branch YLA hna nih hin kumdang nak i strick in duty a kalpi lai.

Christmas le Kum Thar lawmhnak caan chung ah puak kho thil paohpaoh – Bom (Bomb), (Duahpuah) Halpuah, Duahdawh Meizik hman le duah (puah) sian a si lo i, nawlbuarmi an um cun a herhning in a fakkhawh chung dantat an si lai.

Innpa chakthlang ca hnahnawk luri in thawngpang thang tukmi tuah le zan tlaipi tiang Music play sian a si lo. Sangau pengchung ah Bike (125& Any Bike), Any Motor Vehicle phungning lo in khalh le midang caah hnahnawk in khalh mi maw Kumtling lo ngakchia nih Motor maw Bike a khalh lio kan hmuh le tlaih a si ahcun a herhning in YLA nih dan an tat lai.

Sub-Headquarters Ritkhawhthil Doh Pawl (SRDP) hna nih Sangau khuachung ah le Sub-Headquarters peng chung ah a sining te in le siarem tein Ritkhawhthil an doh, an dap hlai i hma an lak khawh nakhnga khuanu khuapa hna le Branch YLA hna nih zapa rak onh cio hna dingin kan in nawl ṭhan hna i, khuatlang caah a ṭhami le forhfial an herhnak zong ah nan ruahnak rak cohlang kho ding in YLA Sub-Hqrs:Sangau zong kaupi in kan i ong ve fawn, tiah SYLA Sangau nih cathanh an chuah. Ref: The Lairam Time

Leave a Reply