Suu Kyi le Aung San nih Federal biafang an hrial maw hrial lo zoh tuah usih: Daw Aung Sa Suu Kyi le Aung San nih federal an hmang lo, an hrial ti mi hi ruat deuh tuah usih. U Thein Sien le U Thura Shwe Man nih federal a hman. Biafang hman le hman lo cu maw kan buaipi taktak ko. Asinah a hmang mi hna nih zei federal taktak dah an pek khawh hna. Federal a chimtu pa chan ah phunghram zeitluk in dah an rak fehter ne.

Federal biafang hman tung i phunghram fektur i tlaih cu tu phaw aih in tu sa ei hmang an si ko lo maw? Federal biafang cu styl thoh duh ah maw a hman ne nga? Federal biafang chim tung i Federal he aa ralkah mi phunghram fehter chinchin cu federal zeirel lo, le ngakchia bantuk in inn te tiamnak mawnu lenh in i lenh he aa lo. Aungsan le Suu Kyi nih Federal biafang an hman. An hman caah pei “Federal ti le Pyitawngsuu cu aa khat a ti fom cu. Federal pek kan ti mi cu a federal biafang khi a si lo, federal zaukphung tu khi a si deuh.

Tahchunnak rawl na ei tik ah meh ka suah tuah na ti tik ah voksa/ arsa ka suah ti theng in kan chim lo, meh ka suah tuah kan ti ko. Pawcawmnak lo kan tuah tik ah facang cinnak lo, fangvui cinnak lo, anthur cinnak lo kan tuah” kan ti theng lo, lo kan tuah kan ti ve ko, lo kan tuah ahcun thlaihring phun kha cincio a si cu hngalh viar a si ko. Aung San le Suu Kyi nih Federal biafang an chim le chim lonak in Federal ramkawmh lei aa kal kalpi maw ti kha a biapi deuh. Baibal hmanh ah Pathian nih thil min a auh ning le sining aa dang mi a um.

Genesis 4:25, 4:1-25 chung kha rel hman. Adam nih Eve cu a hngalh than i fapa a hrin tin a hmuh lai. Tuak tuah, hngalhnak sawhsawh in fa hrin khawh a si maw? Hngalhnak sawhsawh in fahrin sawhsawh siseh law kawl ram nu vialte hi zeizat remruam dah fa an hrin lai. Milu a tambik ram hmanh kan si lai. Hi ka ah Baibal nih Hngalh ati mi hi nule va sinak tuah kha a chim duh mi a si cu. Cu bantuk in Aung San le Suu Kyi zong nih hi biafang an hman lo caah federal cu a si kho lai lo ti hna hi thukpi ah hram thla lo mi politic a si. Federal biafang hman lo in federal zauk phung hmuh khawh a si. A min nak in a policies le uknak pi taktak kha kan duh mi a si. Federal zauk phung cu federal min hmang lo zong in a policies zong in hmuh khawh a si.

Federal cu tithawl bantuk a si i a chung um mi ti taktak kha zauk phung/federal policies le kan duh mi cu a si. Zeibantuk tithawl aa kan pek zong ah a chung um mi ti kha dintlak ti a si ahcun kan duh mi a si ko. Cubantuk in federal min le biafang hi ka duh mi si loin federal chung ah a um mi zauk phung tu kha kan duh mi a si awk a si. A min te hna kan buai mi cu ahmai ah fong loin hnu ah a kir than mi party kan si ko hih. Ref: The Voice Of Democracy