PI CI NLD Federal Democracy vs Tawhrolh Benh: Hlanchan cu tawhrolh atlet ah hlonh aumlo. Sunghno nu nih Lungṭul loin a ṭhit lengmang. Ahnu ahcun Kokek muisam a tlau i bet mi / ṭhitsa lawng te a tang. Tulio Kawl cozah NLD nih Federal Democracy a kal pi dan cu kokek muisam tlau in belh mi asi. Kokek Federal Democracy muisam an thlau.

Tamu kuli ṭuan chan ah kan khua tlangvel pawl tampi an kal ve. An rak tlung in an tawhrolh sau mi hnu le ah ki 4 in ṭhitmi kan rak hmuh. Aadawh tuk. Cu bawngbi he Vangkar nawn in Rangtum an i cit ahcun chozoh bakin kan zoh hna. Vancung tlangvel cio khi ansi ko. Kapu Ce Ce le Salai Cung Uk “Kankhua padawh” an i hruk ahcun aadawh khun. Cubantuk tawhrolh cawk ding ah Kapa he Hakha kan tlawn. Dawr Hlun A Hiang Nu dawr ah cubantuk tawhrolh cu cawk ding ah kan kawl. A um lo. Kapa nih aatuar tilo I Cung Uk Tawhrolh kha tah kan kawl mi cu ati. Aum lo ee. Kan zuar lo ee an ti. Khua kan kir hnu cio ah, Atlet mi Sehla in an ṭhit mi arak si.

Hakha Khuate Pu tu hna biaruah: Ka pu kan khua le Hakha hi meng zeizat dah aahlat ati. Zingka kal ah meng 6. Zanlei sang kal ah meng 12 a ti diam ko. NLD cozah he Federal Democracry lei ah kal ṭi cu: Cung lei Bianabia 3 he aalawh ngai ngai. Federal Democracy nih Kokek sining angei ko nain Kawl Setan Ngian in a bet a bet i muzin atlau cang. Pu Cung Uk hnu lei ki 4 bawngbi tlet mi ṭhit mi bang, Pi Ci le NLD Larnak le popular sinak in Federal Democracy an kal pi.

A Hiang Nu dawr ah kan duh mi Bawngbi kan hmuh khawh lo bantukin NLD le Pi Ci Kut in Federal Democracy hmuhco I timh cu kan hmuh kho lailo. Achan cu NLD policy le Ramhruai ning ah Federal Democracy aum ve lo caah asi. 8888 khan Tlangcung mi le Pi Ci / NLD cu Federal Democracy ralkap kan rak si cio hna. Hoikawm ṭhabik kan rak si. 2015 hlan tiang. Cozah an hung tlai in Lungdang an kan ngei tak. An kan hlawhhlang tak i zuangzam tuk in politic ah an um cang. Federal Democracy caah cun Bible i Hosea nupi cio kha an si cang ko.

Ralkap ka nawr lio, Phunghrampi ka remh lio, Panglong Sachok tlinter ding ah 21st Century Panglong agreement le NCA kan tuah lio, tiah Phihlik tlangvel in an velh. Biasiphai Philosophy an hman. NCA zong biatakin an i hmaithlak fawn lo. 2020 thimnak buanco ding, Pi Ci le NLD ukchan sau ter deuh nak Simakin tu in an kal. Autocracy le Popularity Ideology tu in an kal cang.

Tlangcung mi kan hoikawm ṭhabik NLD le Pi Ci he cun Federal Democracy tuan te in kan hmuh lai. Fingreicat khuadei hlan, Deirel Arfi chuah can cio te ahkhin a hmuhco ding phun khin kan i ruah chan. Nain meng 6 a hlat ko mi kha meng 12 aahlat cang. NCA zong ahim te lailo: NCA agenda zoh tikah fawi tein adih ding asi lo. Kum 20 leng rau in suai mi asi. Abikin Agenda 7 an ngei mi ah 3 hmanh ṭhiṭha an ceih pi khawh hna lo. Pi Ci nih NCA meeting le Ramdang biahal nak ah achim ahcun Tizut lo Baahna bantukin thiang hihiar in a chimh ve hoi.

Phungchim athiam ngai i anaal ngai mi Evangelist pa bantuk asi. Bible i tlaih ṭung I Nu kai azei hmanh apoi lomi Evan cio khi asi ko. Sual nak cu tam tuk i hrial cawk asi lo. A pah in pahchih law law ding asi ti tu Evan Mithang pa an ka ngai ter. NLD le Pi Ci nih NCA nawl an buar: NCA senthuh mi Mon ralkap kha an kah hna 27.11.2017. Mon ralkap sakhan ah a thli tein an va ponchuak hna. Ralkap nih a duhpaoh in aum ṭhan hoi cang. ICJ kong ah cozah nawl ka ngai lai ati. Atu zeitin dah Pi Ci le NLD zong Mon Ralkap an kah nak kong ah an kaa an I cip dih.

Mon Ralkap le Mon Pyiti Party cu Pumsa le Thinlung bang ṭhenkhawh lo in aa khit mi ansi. Mon ramkulh ah NLD nih tei nak ka hmuh lai lo ti aphang nak hi kum cheu demang asi cang. Tlangcung miphun hna sin ah NLD teinak hmuhco ahar cang lai. Chin Zong ah a har lai. Miphun party hna nih Ramkhel in kan nawr lai. Miphun Ralkap hna nih Cabuai cung raldoh nak le Meithal he an nawr ve lai tiah Mon Party Chairman nih achim mi kha an rem rua lo.

Curuang Ralkap he i komh in Mon ralkap hi an kah phum hnga maw an ti phah hna. Mon ralkap kah ruang ah hin 2020 ah hin Ralkap, USDP le NLD he coalition cozah serh an i timh rua tiah zumh cio an si. NCA zong thlichia nih den khawh asi cang. A himbawm tilo. Ralzam 320 cu Thailand ah an tli ti asi. Film ah zoh khawh asi. Chinram le Miphun Daw vetu Nan Unaupa. Kawlrawn in. Bye Saya Rung Kaw