Myanmar ramchung hlasakthiam le hlaphuah thiam minthang taktak a simi le Khrihfa zumtu ṭha taktak a simi Mee Mee Khel nih mual a kan liam taak ruangmang cang ee. Ngaih achia tuk hringhran. Australia caan zaan sml 9:31pm tluk ah a nunnak liam hi a si.

Mee Mee Khel thi timi kong cu a va ṭhing a simi hlasa minthang Htoo El Lyn nih amah pumpak Facebook cahmai ah a ngaihchiatnak a langhter in a rak taar. Kum 37 a simi Mee Mee Khel cu hnuk cancer stage (4) si i sizung ah caan saupi aa thlop hnu ah a thih hi a si.

Hlasakthiam Mee Mee Khel a thihnak kong he pehtlai in hlasakthiam Sung Tin par zong a celh ve hrimhrim lo, amah pumpak Facebook cahmaiah a ngaihchaitnak a von langhter ve. Hlasakthiam minthang a hawi le zong an celh ve hrimhrim hna lo.

Hlasakthiam Sung Tin Par nih a chimmi cu,“Mee Khel, a ho paoh nih nikhat khat ahcun kan kalnak ding lam a si ko nain, na kal chung a tuan tuk ee. Zawtnak nganfahnak a um ti lonak kan Pathian sinah i din chung ko law. RIP Khika kan i ton ṭhan tikah thangṭhatnak hlasa in bia zong tampi kan i ruah ṭhan te lai,” tiah a ngaihchiatnak a langhter ve.