Nihin Falam khuapi ah Mask huh loin a chawkmi an tlaihmi hna cu a tam kho taktak khi si. Nihin an tlaihmi hna hi suimilam 1:30 cheuchung lawngah an tlaihmi hna si fawn. Khatlei cun Christmas lai si tikah chungkhar duh herh cawk ah a chuak deuh mi an si kho.

“Suimilaam 1:30 cheu chung Falam khuapi ah Mask huh lo an tlaih mi minung 135 an si. 2020 December 24 suimilaam 8:00AM in 9:30AM tiang Falam khuapi chung ah Falam Penguk Zung, Ngandamnak Zung, Meithat Zung le Falam COVID-19 Volunteer hna i bawm in hmurhuh (Mask) cheknak an tuah i suimilaam pakhat le cheu chung ah minung 135 an tlaih hna. Hmurhuh huh lo ruang ah tlaih a tong mi hna hi minung pakhat ah Ks. 500 an cawh hna tiah theih a si.” Photos/ Saya Timmy. Credit: The Hakha Post

Relchih: Thantlang Mipi sin Nawlnak: Thantlang kan dinti meng 25 ahlaatnak hmun ah ti pipe lung nih atlak ruangah ni (4) chung kan tuah nain minung thazaang nih atuah khawh lo ca ah Seh thazaang in tawlrel ahauh caah 25.12.2020 tiang Khuaiva dinti kan inpek khawh hna lo ca ah mipi nan sinah nawlnak kan vun tuah hi asi.

#26.12.2020 ni in Sehthazaang in kan tawlrel lai caah aruahhlan ah mipi nan sinah dinti kan inpek khawh colh ko hna lai tiah Mipi nan sinah thawngthanhnak kan vun tuah. Credit: Van Zauk Fambawl