Laimi/Chinmi hi chimh cawnpiak kan rak har ngaingai ko rua. Tuah hlah u timi khi tuah uh ti theih in kan theih i, tuah u timi khi tuah hlah uh tiin a lingtalet in kan leh rua tiah ka ruah. Rianṭuantu hna nih zaang hlei cawiin rian an ṭuan asinain cucu mipi nih kan theihthiam piak hna lo.

Tutan zongah atulio pulrai zawtnak ṭihnung Covid-19 ruangah ramkip pakhat le pakhat i tlawnnak phih khar a si. Cun ramchung mipi venhimnak kalpi cio a si i mipi zawnruahnak he Covid-19 pulrai zawtnak kong ralrinnak atu le tu mipi chimhpiak a si. Tutan zongah Thantlang ah hmaihuh (Mask) i bunh loin khualak a chawkvakmi dantak an si lai tiah ralrinnak le theihternak Loudspeaker hmangin theihter an si. Asinain cu zongah a zul duh lom kan um, tuzing ah minung 26 an tlaih hna tiah theih thiah asi.

Cu kong he pehtlai in Salai Thawngpi nih a ṭialmi rak rel “Tuchun Thantlang dirhmun. Hmaihuh (MASK) i bunh loin khualak ah a chuakvak mi minung 26 cu biaceih zung ah chuahpi an si i Upadi ning in 5000 liamter an si. Raithawinak nakin nawl ngaih a ṭha deuh,” tiah a facebook cahmaiah a ṭial. Cu he ai pehtlaimi a tangleiah Comment cheukhat ka rak langhter chih.

Comment:Salai Z T Lian “Hi Saya Thawng,Ralrinnak pek ta ah a tha men lai. Cheukhat cu ihrawk duh lo si lem loin an ngeih lo ruang zong si kho, siloah khuaika ah kan lak khawh lai ti an theih lo zong a si kho. A cawk khawh lomi zong an si kho men , siloah zulh duh lo bak zong an si kho ve men ko. Free hna in phawtzam dihnak uknak lei nih nan pek dih ko hna nain hmaihuh an ihuh lo ahcun dantat phu an si ko tiin kan pom cio ko hna lai dah. Nain ralrinak ca zong pek ta loin biaceihnak zung ah auh colh hi cu ka siarem deuh lo ee. Hmaihuh i huh lo zong ah Pee 6 dan hna in mi he an ihlat ko ah cun a tha ko tiin Texas , USA ahcun an ruah ko hi ta. Thawng na kan thanh i ka lawm,”.

Lehnak: Salai Thawngpi “ralrinnak hi thla 1 ringlo pek a si cang.

Salai Z T Lian: Salai Thawngpi ,ralrinak ca (warning) pek ta kho ulaw, pekmi hna min zong record ah tha tein chiah i voihnihnak an zulh lo than ahcun atu nan tuahmi hi tuahding ah a tha men lai tiin ka ruah. Keimah ruahnak men asi. US zong ahhin warning menmen pekmi a um tawn. Ka lawm.

Salai Thawngpi: cozah nih ca a chuah zong a tlawm ti lo. Cun zing, chun le zan in Loudspeaker bak in au hnawh peng a si rih fawn. Mah leng in tuah ding a taangmi pakhat cu cozah nih nawl a chuahmi kha inn khat ah pakhat phaw hna selaw mah lawng cu a taang. A fawi ti lo.

Admin hmurka: Atu bantukin ṭha tein thanhnak an tuahmi hi cu aho cio paoh dih zulh khawh cio izuam hram hna usih! Cucu kanmah le kanmah kan kilven zong. Mah rian kan kal taak in siaherhnak le zawnruahnak nganpi he hibantuk rian a ṭuanmi hna hi kan upat hna in kan hmaizah hna awk hrimhrim a si. A fawi te mi thil a lo nain a har ngaingaimi thil a si. Mipi caah pumpek bakin rianṭuantu an si ti kha mipi nih philh piak sawh hna hlah usih!