Lainu Sui Bo timi video kan thlah tawnmi hi zeidang a si lo Capo biatak phun a si i ahmaan ngaimi zong a si. Tutan i a chimmi zong hi Capo a lo ngai nain ahmaan ngaimi a si cuh. Laipa cheukhat cu Lainu muidawh kan hmuh paoh kanmah ta ah kan iruah hehehe Capo biatak in aww. Lainu Sui Bo hi a tulio boruak he a thil tuahmi tete a vun kaih ngai.

Inn ah um in i erh cu a si tikah um a har ngaingai. Minung hi inn ah um tuk le leng chuah loin inn i hren tuk nak nih hin zawtnak phunphun a chuahpi khawh ti a si. Ruahnak a pit i thil kan tuah kan tuak zongah inn i kan i erhnak le kan umnak caan a sau cun fiang tein aphih kan chuah khawh lo caan atam i kan ruahnak zong a pit tawn. Cun, nih hi ngandamnak phunkhat a si tiah an chim tawnmi hi ahmaan ngaingaimi a si.

Kan niih mi cu zeidang ruangah si loin mi pakhat nih a chimmi kha kan niih a chuah ruangah le lungthin a dam ruangah a si. Lungthin zawtnak na ngeih ahcun zeitluk in Capo an chim an saih zongah niih khawh a si lo. Kan niih tikah cun lungthin a zaang i kanmah zong kan inuamh pinah kan taksa a zaang lungput a zaaang tiah ka ruah. Suisui Laipawl kong a chimmi rak ngai cang. VIDEO tim rak hmeh piak.

Thawngpang thar rak rel chih: Mike Pempeo: Tuluk Nih An Sualman An Liam Hau. US ramdang vuanci, Mike Pempeo nih tuzing ABC News interview ah a chimmi cu Wuhan khua in a thawkmi coronavirus cu laboratory in a chuakmi a sinak telhte tampi kan ngei cang” tiah a chim.

Mah Coronavirus cu Tuluk cozah nih a thli tein an zuh termi asiloah accident in a zuhmi dah a si timi cu a chim lo. Pompeo cu US ramdang vuanci a tuan hlan ah CIA timi Central Intelligence Agency ah Director a tuanmi a si. Naite ah coronavirus kong a hlathlaitu le document a tuahtu dossier minung 5 Five Eyes intelligence agencies timi US, Canada, the UK, Australia le New Zealand, ummi nih cahmai 25 a telmi document an chuah.

Mah chungah Tuluk cozah nih thil dik an chim duh lomi, thil dik a chimtu doctor, journalist hna an ka an phihmi hna le website an kharmi kong, Tuluk ram ah lockdown an tuah nain a chuak lei an philh duh lomi, WHO sin ah minung le minung a chonh kho lomi asi tiah lih in report an rak tuahmi, WHO le ramdang mi nih Wuhan khua ah Virus a thawknak kong chek hlatnak tuah an duh lomi vialte zohthan tik ah Tuluk cozah zumh an um lonak a sang chinchin. Mike Pempeo nih Tuluk cozah nih an tuahmi thil cungah aman an liam hau” tiah chim. Credit: Salai Lairamthang