Nihin (Dec. 17) zaanlei ah naite ah thonginn in a chuakmi pa Ni Peng Thang nih Hakha khuathar ah a ummi Sui Ngun Tial cu a innchung ah fak ngaiin a velh i, Sui Ngun Tial cu lungfim loin a um caah sizung ah an kalpi, tiah thawng kan theih.

Velh a tongmi Sui Ngun Ṭial hi a lu ah thingtan in Ni Peng Thang nih a tuk caah a lu a kuai pin ah mah hngal loin a um.

Khuathar khua upate le pastorte nih an vung fuh hna i thil sining an hal tik hna ah a hmun ah a ummi nu pakhat nih, “A veltu pa hi kan theihmi a si lo” tiah a chim.

Ni Peng Thang cu khoika hmanh ah zaam loin a velhmi nu innchung ah a um ve. Upate nih “Hika inn ah hin zeidah na rak tuah?” tiah an hal tik ah “Zu kan ding tti peng hna” tiah a chim.

Sihmanhsehlaw, velh a tongmi Sui Ngun Tial he naihniam a simi nu pakhat nih cun, “Hi pa hi kan theih balmi a si lo. Zu kan ding tti tawn a timi zong hi a lih a si,” tiah a chim.

Sihmanhsehlaw, velh a tongmi Sui Ngun Tial he naihniam a simi nu pakhat nih cun, “Hi pa hi kan theih balmi a si lo. Zu kan ding tti tawn a timi zong hi a lih a si,” tiah a chim.

Cun, hi thil a cannak inn ngeitu nih, “Thongchuak ka si. Kan thah hna lai tiah a kan tlerh i, kan ttih tuk,” tiah a chim.

Khuathar upate nih palik an chawnh i Ni Peng Thang cu palik sakhaan ah an kalpi cang. Innchung ah Sui Ngun Tial lungfim lo lak in a veltu Ni Peng Thang nih Hmawngtlang khuami ka si tiah a chim. Source: The Chinjournal

Note: Hi thawngpang cu The Chinjournal nih a taarmi kan rak taar chinmi a si. Chin World News Evening he pehtlaihnak a ngei loh! The Chin Journal thawngzamhnak cu phungning tein Register a tuahmi Chinmi nih kan i ngeihmi Media ngan pakhat a si i Hakha No. 111, Lung Biakinn Road ah a ummi a si.