Spanish Prime Minister Pedro Sanchez Nih Coronavirus Dohnak Kong Ah A Biapi Taktakmi Thanhnak A Tuah Ṭhan 

Thawngpang

Admin||04 Vaupi 26-2020|| Mifim mihrut, siifak le mirum zong huallo in a kut kiik demduampi in ai chok i a phanhnak kip ah thihnak a chuahtertu coronavirus kong he pehtlai in nihin (Saturday) ah PM Pedro Sanchez nih thanhnak a tuah tthan cang. PM Sanchez nih zanlei suimilam 3:55 ah thanhnak a tuahmi cu Spanish chungkhar hna cu inntual ah a ra laimi May 2 thok cun nan chuak kho cang lai. Cun hi bantuk in nan chuah tik ah nanmah he a um ttimi hna he lawng nan chuak lai i pumpaak hmun pawl hna ah cun nanmah le nan pawngkam ah a ummi hna he lente zong nan i celh kho cang lai tiah a thanh.

Spain to resume some activities, but lockdown remains 'firmly in ...

Cun hi zulhphung hna hi coronavirus damhnak sii kan hmuhchuah hlan chung paoh cu sauh lengmang a si rih lai tiah PM Pedro Sanchez nih a chim chih. Rinni (Satruday) tiang ah rachung i hi coronavirus zawtnak a ngeimi hi minung 223,759 an tling cang. Cu lawng silo in ramchung ah minung 22,902 hna cu hi zawtnak ruang ah hin an nunnak a liam cang tiah Country’s Health Ministry nih an thanh.

Spain to ease economic restrictions, won't give up on 'coronabonds ...

A chim chih rihmi cu Pathianni thok cun nu le pa hna nih an fa le cu minung pathum tiang an i hruai khawh hna. Hi i hruai khawhmi hngakchia hna cu kum 14 in a tanglei minung an si lai. Cu bantuk hnakchia hna cu a leng ah suimilam pakhat chung a leng ah an i hruai khawh cang hna lai tiah a chim. Hihi kan dihlak in kan thoktti hna i hmunkhat ah kan dihlak in kan donghtti fawn hna lai tiah PM Sanchez nih a chim chih.

Coronavirus: Spain declares state of emergency with mass ...

Spain Congress of Deputies hna nih tuzarh chung ah khan hi kong he pehtlai in vote thlaknak an tuah. Vote an thlakning ah cun a ra laimi September 5 tiang khi cu ralringte in kan um a herh ko rih lai ti a si. Center for Coordination of Health Alerts and Emergency Director Fernando Simon nih daily press conference ah hi zawtnak damhnak sii hi tukum dihhlan ah cun hmuhchuah a har ngaingai lai tiah a chim. Ref: ABC News

Note: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Cucaah thawngpang kan ṭialmi kan palhnak a um cun theihter khawh peng kan si. Chinworldnewsevening page ah le J Van Duh Thar Lahnin ah pehtlaih khawh peng kan si. Mipi sinah thawngpang thlazamh na duhmi um cun kan i thlahzamh khawh piak ko.

Leave a Reply