Soi Awk Um Lo Nizan Esther Hlasak Cu A Tei Dih Ko hna: Nizan Myanmar Idol Season 4 Top 7 zuamnak ahcun kan farnu Esther Dawt Chin Sung hlasak ning cu nizan ko ko ahcun a tluk mi an um hrim lo. Midang kong kan chim lai lo Yaw Kee le Benjamin Sum zong an thiambak ko sinain, nizan an i zuamnak ko ahcun ttenh hlei si loin Esther hi a thiambik ko tiah keimah nih cun mark ka pek ko. A ruang cu an cawlcangh ning le a khansa ning kan si lai cu an hla neih zong cu si ko lai nain a rak thiam hrim ko.

A ruang nizan an i zuamnak i an hlasak mi ah Benjamin Sum zong a thiambak, sinain mipi nih kan ruah ning le duh ning tlukin a sa kho deuh lo, cu cu Judge Tin Zar Maw zong nih a sak khawh lo nak kong a chim mi kan theih dih cio lai timi zumhnak ka ngei. A thiam lo ti nak si loin nizan zuamnak ko ahcun Esther tluk mi cu an um ruam lo, keimah hmuhnak le ngaihnak ko ahcun.

Khah phundang ruah loin an thiam dih ko hna, nain kanmah le ngaih ning mark pek ning le uarnak kan chim biatu si, ttenh hlei ka ngei lo, a thiam mi cu a thiam kan ti hna ding khi si ko, a tangmi an pathum Esther, Benjamin Sum le Yaw Kee zong an thiam i, thazaang pe rih hna usih. Cun an pathum sinah vote pek daithlang hrim hna hlah usih. A ruang cu an thiam ko mipi nih vote an pek ko hna lai” tiah hnangam ngaiin kan um mi kha an caah lung rethei taktak a rak si. Cucaah kanmah nih an ca hrang i kan tuah khawh tawk cu vote in thazaang kan pek mi hna hi si ko. Credit: BTL

Kan Laipai pakhat le bang nih cun Esther cu ti bakin a uarnak kong a chim ko hih. Na aw a khing. Na mui ai dawh. na aan ka thlum na iang a sur. Myanmar Idol na phu bak ko Ka nolh rih lai. Uar na um bak nang uar lo vaal Cite liak lo Mitcaw hnachet Ko hluan ai hna. Na tituk aih Nan ti dek maw Keimah mit hmuh Ka hna theih ah Na rem bik ko Idol ding ah. Credit: Tea

Myanmar Idol Theihtlei Relchih: Tutan Myanmar Idol Season 4 zuamnak ah Grand Final a kai dingmi hna nih Final zuamnak an tuah hlan i an tuah dingmi cheukhat le Winner simi nih hmailei an tuah dingmi cheukhat a tanglei ah kan van langhter chung.

Grand Final aa zuam dingmi hna cu zarhthum chung caan pek an si i, mah chungah Judges nih cun teinak hmu ding cu an theih cia cang nain business ai bantukin caansau an laknak zong asi. Cun, Grand Final an i zuam hlanah anmah le khua ah tlunter an si lai. Nihnih thumchung hi mipi sinah caan hman khawhnak nawl an pek hna lai i, mah chungah mipi thinlung la in mipi an hip kho hna maw? timi hi an zoh bikmi pakhat si te lai. Cun, mah an i dinh chung i an cawlcanghnak hi mipi nih vote pekmi nak hmanh in mark a tam deuh ti si.

Mah hi an khualtlawnnak i an dih mi vialte hi CITY FYM nih an liampiak dih hna lai. Hi kong he pehtlaiin tutan Chinmi chungin minung pali Myanmar Idol i aa zuam mi hna zong teinak an hmuh i, an khua le ram an tlun ve sual ahcun mipi nih thazaang kan pek thiam taktak hna a biapi tuk. Myanmar Idol Winner: Mah zuamnak ah Myanmar Idol winner simi paoh cu CITY FYM he hmunkhat rianttuan tti dingin hnatlaknak contarct an ngei lai i, CITY FYM nih kum nga chung a sponsor hna lai.

Amah belte voidang bantuk in mah duh paoh i an um tawn mi kha si ti loin, zeitik hmanh ah anmah nawl in khual an tlawng kho ti lai lo. Cun hlasak le show ti bantuk zongah anmah nawl in an tuah kho ti lai lo. Tahchunnak ah kanmah Chinmi chungin pakhat khat hi winner si hna sehlaw. CITY FYM he hnatlaknak an ngaih hnu cun US, Australia, Malaysia le ka dang dang um mi nih an sawm hna zongah CITY FYM nih kalnak nawl an pek hna lo cun an kal kho lai lo.

CITY FYM sinah theihternak an tuah lai i, tlawnnak nawl an pek hna hnu lawngah an kal kho lai. Cun, Hlasak le show ti bantuk i, a hmuh mi phaisa zong CITY FYM he an i tthen lai. Mah ti kum nga chung an kal tti hnu ah CITY FYM nih album pakhat an chuahpiak ve hna lai.