Social Media Hi Kan Miphun Caah Tihnung Lei A kan Panhpi Chin Lengmang Tu Si Dawh A Si Ve Cang (Or) Hram Aa Thawk Cang.

Chin News

Social Media Hi Kan Miphun Caah Tihnung Lei A kan Panhpi Chin Lengmang Tu Si Dawh A Si Ve Cang (Or) Hram Aa Thawk Cang.

Image may contain: Al Bik Lian Zathang, sitting and indoor

Vawlei Lei hruaitu cu chim lo kan Bible ca chung i hruaitu pawl chung hmanhah Zisuh dah ti lo Moses,Aaron,King Solomon,King David ..etc.. te pawl hmanh an fail dih tiah an kan cawn piak.Ka theih , ka ruah bal lo mi naitan te ca ka rel mi pakhat ( Why being wrong will make you a better leader) ti mi ahcun Zisuh zong a fail ve ti mi asi.Kumthum chungbak a zultu (12) hna cu a hruai hna.

A ton lai ding mi vialte zong a chimh cia dih ko hna nain a bia thuk tuk tawn caah an pemh kho lo long si loin a hrinthanter (convert) kho hna lo i amah tu an rawi an zam tak.A thih hnu longah an pemh i an hrinthan .A nun lio kumthum chungah an lung pemlak in a tleng kho hna lo.Cucaah Zisuh zong hi a nun chungah a mission a fail ve a ti.A ho hmanh a chim sual kho le palh kho kan si dih.

Tutan boruak nih khua a ka ruahter mi pakhat a um.Comment pawl tete ka zoh.Halkha,Thantlang lamneih deuh in Upa puitling tiah ruah mi an ca cu hmuh asi lem lo.Nain middle class deuh upa lungfim tiah ka ruah mi an ca le comment pali ka hmuh.An ca biafang hi feinak in a zum deuh ko rua ti awk in an um.Culak ah pakhat cu buluk khi a lo pah cang mi asi.Hibantuk issue ahcun kan U,kan Pa asi mi nih a chim sual deuh ko rua tiah ruah ahcun lungchung teah Mifim lungfim deuh nihcun i chiah ko hna uhsihlaw a tha deuh hnga ka hei ti.

Cucu keimah lungput ningcun ka duhsak piak deuh hna ning te men khi asi.Hngakchia lente celhnak bantuk ah a celh ve mi upa hna an ca biafang ka zoh ah bochan ding tak tluk in an credit an rak i fimkhur ve lo mi ka hmuh ah ka khuaruah an ka harter chin ve.Cucu cu hlan Credit ka pek mi hna sinin tutan ah ka hmuh mi thil mak asi..Midang IQ long an cuanh i anmah caah cawithlainak IQ cu an kal tak sual diam ve .

Hi bantuk in vawlei cung ramkip ah a um mi zong Social media thawngin tappi hmai ah kan thu tti kho hna i bia kan i ruah kho hna. Thil tha zong tampi a chuah pi, nain pakhat le pakhat i upat lonak,zei i rel lonak ,hmurka i sum lonak vialte a chuahter cang. Chin miphun cu kan umnak ramtha le kan sinak aa thlau ,mirang bantuk in miphun pi lungput kan keng kho tak rih fawn lo caah Pakhat le khat zei i rel lonak , huatnak ,lung i hrinhnak, i thek chin lengmangnak le i upatlonak lam tu hi an kan panhpi chin lengmang theo ko lai dah ti hi tutan thlihran le boruak nih a ka ruahter ngaingai.

Mirang nih social media dia an ti mi hi kannih caahcun Soisel Midang caah kan hmannak deuh cang.Mino caah Social media tih a nunning cu ka langter rih lo.

Credit: Al Bik Lian Zathang

Leave a Reply