UN le nitlak lei ram nih an upat bakmi Singapore nih a rammi pawl zawkzawk in Myanmar chuah taak uh a ti cang. Mipi nih kan theih khawh lomi biathli a um hrimhrim ti a fiang. Asian ram lakah business lei top a si i an ram a dai bakmi Singapore hmanh nih Kawlram um a rammi cu a sikhawh chung in Kawlram chuah taak uh.

Cun Kawlram zong tlawn lo ding. Kawlram chung business tuahmi zong kir dih ulaw tiah nihin March 4 ah Singapore’s Ministry of Foreign Affairs (MFA) nih an thanh tiah CNA nih a chim. A sawhsawh si hrimhrim lai lo. Tutan Kawlram buainak kong ah Singapore hi nitlak lei ram nih an i bochan tukmi a si. Asia ram laifang ah a um lengah UN zong nih a zohthlami ramtha a timi a si.

Phundang chim cun nitlak lei ram nih Asian ram ah thil a tuah ding si cun Singapore lungtlinnak hi an zoh pengmi si. An sawhsawh lo ti duhnak. Singapore nih cun Kawlralkap cu zei bantuk ralrinnak pek zong ah a ngeih ti lo caah a za cang tiah UN ah fiang ka ro in a chim. A lungdong cang. A fiangmi cu UN nih caan rau hlan ah Kawl ralkap pawl cung ah thil a tuah hrimhrim cang lai.

Nan tha chia hlah uh. Ralkap an hran poh ah hran ve lo ding tu a biapi. Hran le mithah kha ralkap an planing a hnubik an mi teinak kuat a si. A rau lai lo. UN nih thawng a thanh colh lai. Khungzung ah maw a auh hna lai a ralkap maw a thlah lai siloah ram pakhatkhat maw thah a fial lai chim khawh si lo.

Relchih: Zeiruang ah dah ralkap nih mi an lu theng te an kah hna? Hihi ruah lo awk a tha lomi thil a si. Tutan Kawlram buainak ah minung tampi an thi. Ralkap siseh palik nih meithal in an kah hna. An mi kah ning zoh tik zong ah a mak tukmi cu mi lu lawngte an kah hna. An lu khen kha an i tinh bik. Cuca cun meithal kah tongmi 100% ah 90% cu an thih phahnak a si.

Siloah zeiruang ah dah ralkap nih mipi hna lu thengtheng cu an kah ti cun. Kutlam zoh thiam Phungki pakhat nih Min Aung Hlaing sin ah a chimmi cu “Uknak thlen na duh tak cun an lu ah kaap hna. Cun Mandalay nan lak si cun zeidang hau lo teinak na hmuh cang. “မ” in aa thawkmi Khuapi le sang poh ral hna uh tiah biaphuan a chim. Cu kutlam zoh thiam pa bia cu misual pa Min Aung Hlaing nih aa hruh pi i a si tak tiah a zumh caah mipi an lu theng an kah nak le in aa thawkmi Khuapi le Sang an ral nak a si.

Ne Win chan in siseh Than Shwe chan in Min Aung Hlaing chan tiang anmah fimnak le thiamnak zong in mipi pakhat hi an that ngam naisai lo. An hnu lei ah pungki biaphuan mi kha an i hruh pi tawn caah a si. Mi forh an ngai. An zumh. An tuah. Cucu hruh timi cu a si. Lai phungthluk hmanh ah ‘mibia in tlang va kai hlah ‘ ti a um cu. Credit: Saya Tluang Ceu Thang