Atu Kawlam dirhmun cu nikhat hnu nikhat in tthat lei si loin chiat lei tu a panh chin lengmang tikah ram mipi nunnak ca tiangin thinphang dirmun ah an um cang hna. Kan theih bantukin ralkap nih a hramhram in uknak an lak tikah mipi nih duh loin heh tiah lungtlin lonak cu an langhter tikah nihin ahcun nunnak a liam deng zong um si pinah hliamtuar zong an tlawwm ti lo. Nihin kah a tongmi nu dirhmun ko ah a tanglei bantukin siibawi te nih an chim mi.

Ralkap duhlo lamzawhnak cu a linsa chin lengmang. Nihin duh lonak langhtermi chungin Siangngakchianu “Mah Myat Tattat Khine” cu palik bawi “Nyi Nanda” timi pa nih a lu ah meithal in a kah i, a hmun ah a ril colh. Minu cu siizung ah a ran khawh chungin an tlikpi i tuan deuh ah a thi tiin thawng an thanh. Sinain atu tiang ahcun a thi rih lo, a damnak caah hin zakhat ah 3 tluk hrawng lawng ruahchannak a um, a nung lai timi chim awk ttha rih lo, a si khawh chungin a nunnak chanh kan i zuam lai tiah siibawi te nih an chim.

Hi kongah Sianghngakchia nu a kaptu palik pa “Nanda win” ti zongah ai timi pa cu biaceih zungah chuahpi a si tiah Myanmar BBC thawngzamhnak nih a langhter. Hi thawng pang ruangah mipi thinlin in an um i duh lonak langhtermi a let in a linsa kho tiah mi tampi nih an chim.

Cu lawng si loin nihin Meithal in kah a tong vemi “Ko Win Htet Moe” (kum 26) tu cu thlopbulnak a ngeih hnu ah nihin zanlei ah siizung in a chuak cang. Anih hi meithal kuan nih a kut ah a khen. Nihin Naypyidaw lamzawhnak ah palik nih ti in an kah ruang hna ah le khaihriat kuan in an kah hna ruang ah a dang minung 20 hrawng tluk nih hliamhma an tuar, tiah theih a si. Note: Meithal kah a tongmi “Mah Myat Tattat Khine” hi atu ca kan rak thlah tiang ahcun a nunnak a liam rih lo tiah theih a si.