GAMBIA LEINIH KAWLRAM BIA CHIMH MI LEHNAK: Kawlram lei chimhmi: 1. Genocide siding ah tim ciamam nak aumlo. 2 Gambia le Kawl karlak ah piatana aum lo caah ICJ ah biaceihnak nawl aumlo. Provison Measure timi lakhruak timhlam nak zong tuahphung asilo. Gambia Sihni 3 nih lehnak: Mipi le ARSA then loin Ralkap thazang tamtukin a hmannak le kahthat nak kha kawlram nih an el bak lo.

UNFFM report bantukin Rohingya thleidan nak, Rohingya huat nak ding ah forhfialnak, Timhlam nak, Tlaihhrem nak, Inn lo an hrawk piak hna I Meikhangh piak hna, tbk hna a phisin lo. Rakhine ram ah biatak tein hlathlai nak le dantat nak angei lo timi lo timi lawng aa phisin. Ralbawichip MAL fb khar mi ah Rohingya huatnak forhfial nak le cohlan lonak kha tling tein hmuh khawh asi. Ralbawi hna hrim hrim nih Rohingya huatnak le Cihhmih nak hmuitinh ngei bak in an I zuam ti kha el awk ṭha lo in hmuh khawh asi. Hi hrim hi cihhmih thahnawn nak (Genocide) bak asi cang.

Tutiang in Rohingya huatnak cu ngol umlo in akarhchin lei tu apanh. Rohingya timi biafang hmanh rim zong kha chiat ah an ruah. Rohingya min kha an cohlan khawh bak lo. DASSK kaa hrim in Rohingya timi biafang a chuak lo nizan biachim lio ah. Hihi Genocide siding in special in timhlam nak asi cang. 2013 Interview ah pakhat ah Dr. William Schabas hrim nih Kawlram ah Genocide asi khawh tiah a rak chim bal mi kha chirhchan ah lak khawh asi. UN zong nih Ralkap nih thazang tamtukin an hman mi kha Genocide asi khawh tiah ralrin nak an pek cang.

OIC nih an forh caah Gambia nih tazacuai nak asi timi kong hi cu ahman lo mi asi. Gambia lei nih tazacuai hlan ah theihter nak zong an tuah ko hna nain Kawlram lei nih zeihmanh let loin dai tein an um mi cu Biaceihzung ah kasi lo tiah sualthupha cuai mi nakin a zual hma deuh mi asi. 1960 lio Africa ram hna he tahchun in le aalawh in Biaceih ding timi cu a hram umlo mi biasiphai nak asi deuh. Rohingya cuzat (athimi zat) timi kha nan palh tiah kawlram chimh mi kha minung cuzat timi nakin zeitluk in dah ahmual afak mi dah asi timi tu abiapi deuh. Kawl Ralkap nih a buu pi in le a ruun ruun in mi anthat nak, Innlo mei khangh nak, Phungning loin mi anhrem nak, Nu hna tlaihhrem nak, tbk hna hrim hi sual tuksapur le Goncide bak asi cang ti cu el khawh mi asi lo. Kawlram zongnih an el fawn lo.

Gambia nih tazacuai hlan ah UN meeting ah hnatlak pi tu a kawl hna. OIC ram 57, Canada le Netherland ram hna nih an hnatlak pi hna hnu ah pehzulh mi asi. Ahnu bik ah Rohingya Geonocide timhlam nak an ngeih mi le an tuahto mi ngol ding le hi hnu ah pehzulh in an tuah ti nak hnga lo bia rak ceih piak uh. Lakhruak timhlam nak le hnuzulh dawi tuahṭuan deuh mi asi khawh nak hnga kan hnatla pi uh law bia rak kan ceih piak uh. Saya Rung Kaw