Share Cio U! CDM Tuah Ruangah Thawl A Tongmi Caah Free Tein Family Tlum Inn Kan Ngei

Chin News

A lungput cu uar a um tuk hringhran. Mipi cheukhat lung rethei le vansaang au in um lio ah hi bantukin dawtnak le zawnruahnak hi a lungput a langhteri hrim hi a sunglawi tukmi dawtnak a si. Kan theih bantukin ralkap nih a hramhram in uknak an lak tikah mipi nih duhlonak laknghter in (CDM) tuah a si.

May be an image of 1 person, motorcycle and outdoors

Nikhat hnu nikhat in buainak hi deih lei si loin a linsa chin lengmang. Chinram chung rakap cawlcangh ning hmuh tikah lungthin nih a celh lo. Cu lawng si loin nizan ah CDM nan tuah caah tiin ralkap nih a hramhram in siizung rianttuantu vialte an chuahter dih hna caah cheukhat rianttuantu caah umnak inn le lo ah buainak ton lulh cio a si. A cunglei kong he pehtlaiin thawngttha taktak simi cu Hakha um Facebook min “Milley Sui” nih a tanglei bantukin a lungput a langhtermi hmuh tikah upat tlak taktak a si.

“CDM tuah ruangah umnak hmun in thawl a tong i umnak hmun a ngei lo mi caah (Family tlum) inn a long mi kan ngei. Ti le mei zong a tlam a tling. Free tein a si lai. A hmun-Dawrthar (Chin Oo Sii) Sang. Pehtleihnak-09457962774-09772097867. Laknak: Milley Sui Facebook”

Relchih: Thil umtuning zoh tikah a linsa chin lengmang ko nain teinak ni a nai chin lengmang ve timi a fiang chin chin ve. Min Aung Hlaing nupi nih aa tuar ti lo i, Mipi sinah nawlpatnak le an lung tthatlonak? a phuan cang. (unconfirmed). RUSSIA 🇷🇺 nih Kawlram buainak cung ah an lung tthatlonak an phuan ve cang.

China 🇨🇳 nih Middle East Zinan/ gas an laknak $1.3 billions project Pi, MYANMAR 🇲🇲 ram laifang in a kalmi Mipi nih mei in khangh ding an tlerhmi cungah an thinphang an celh lo. Thla khat chung ah UN 🇺🇳 Security council 2 an thu manh i, “concern” in “Condemn” tiah an phan cang. “Condemn” hnu ahcun Resolution lawng a tang ti khawh a si.

US nih Myanmar 🇲🇲 Ralkap cu Rohingya Genocide case in sualphawt a timh tthan hna. Kawlram Central Bank Phaisa a reu pah cang. CDM movement a thawng chin chin. Ram chung chawlehnak a rawk thluahmah. RALKAP nih cawl chia in an cawl nain Generation Z pawl an ideas a tha chin lengmang.

Kawlram economic a rawk viar lai. Mipi zong kan tuar ve lai nain a poi lo. Ralkap kan hrawh khawh bak ahcun Kum khat chung ah kan ram cu kan remh khawh colh viar ko lai. Cucaah chikhat rawl ttam tuar in zungzal zalawnnak kha ithim ko hna usih. By Zasang Cinzah

Leave a Reply