SENTUT Timi Zawtnak In CONGO Ah Minung 6000 Nak Tam Nunnak A Liam, Cozah An Lung Rethei Cang. World Health Organisation (WHO) nih Democratic Republic of Congo (DRC)-ah sentut timi zawtnak ttha lo ruang in Congo ram ah minung 6000 leng nunnak a liam cang”,tiah thawngthanhnak an tuah.

Nikum thawk khan DRC-ah minung 3,10,000 tluk nih sentut zawtnak an ngei timi report langhter a rak si cang i, WHO nawlngeitu hna nih sentut zawtnak khamnak kongah bawmhnak a um lo ruangah atu bantukin zawtnak hrik a karh chinnak asi tiin an chim.

WHO nawlngeitu hna nih an agency le an ttuan hawi hna nih Congo hngakchia kumnga tang minung 18 million hna cu sentut zawtnak in an luatnak hnga dingah sii chunh an si cang nain hngakchia tam deuh nih cun i vennak sii hi an hmu rih lo,tiin an langhter.

Sentut zawtnak a ngeimi hna lakah 25% hi kumnga tang hngakchia an si hna tiin report nih cun langhter. Hi kongah WHO nawlngeitu hna nih an chim mi cu bawmhnak hi minung 27.6 million an hmuh cang, sinain kumruk le kum 14 karlak vialte tiang bawmhnak pek ding ahcun minung 40 million tluk hna sinah pek a hau,”tiah an chim.

Relchih: Laimi Kan Rak Hruh Tuk Ning Hi Khuaruahhar Kan Si: Esther fan pakhat ka si lawng hmanh si loin a fan hmanh ah a ruh taktak ve mi ka si, Esther ka ttanh tuk ruangah le ka fak tam tuk cang ruangah mi cheukhat hna lebang nih cun Esther nih an mawlh ko cang hih ti tiangin an ka ti cang mi PA ka si.

Cu bantuk Minung cu ka si ko nain Dr. SaSa le Esther tahchunhnak Ca/bia ka van hmuh ve ah cun ka khuaruah bak a har ko, tahchunh ding tlak deuh cu an um ve ko, Dr. SaSa le Esther hi cu tahchunh ding tlak a si lo tuk mi an si. Dr. SaSa cu Cathiam, Catâng sâng, Doctor pakhat a si cang mi le Ram le Miphun caah Ram pumpi nih theih hngalh tuk cang mi, a lâr tuk cang mi PA, Ram le Miphun caah Pasal ttha pakhat a si.

Esther tham cu tutan Myanmar Idol Season-4 ah Winner a van ngah ve ruangah a van lâr ve i, cu hmanh cu Kawlram pumpi ah cun lar hram aa thok kaate lawng pei a si rih ko cu e. Ram le Miphun Min that tertu a si mi a Lar ciocio mi zongah Ram le Miphun nih aa bochan mi Doctor pakhat le Idol te hna lâr ning cu aa dang tuk, aa thlau tuk, tahchunh ngam ding zong a si lo, ningzak in tuhnu ah cun tahchunh ding tlak le tlak lo zong a zoh zia rak thiam deuh cang tuah uh, a fir tu a ningzak lo i, a hmu tu a ning a rak zak tuk an timi phun kan chuak ko cang hih. ‎Thangte-a Hnialum‎