Scientists Pawl Nih Corona Virus Ai Thawkning An Chimmi Cu Khuaruahhar Ngai A Si

World News

Admin||05| Biangreithlep 11|2020|| Kan thanh lengmang cang bantuk in le mi tampi nih theihning in cun nihin ah kan ton cuahmahmi pulrai zawtnak novel coronavirus hi nikum December 2019 ah China ram Wuhan khua in a chuakmi ti a si. A sinain scientists pawl nih an zumhning ah cun a luan ciami October 2019 ah khan a rak chuak diam cang lai ti a si. Kha October thla i Military World Games Wuhan khua ah tuah a si lio ah khan a ram um cang ruang ah hi tluk in vawlei cungah a karh a rannak zong hi a si lai tiah an chim.

China offers friendship as 2019 Military World Games open ...

University College London le University of Reunion Island hna i bawm in hlathlainak tuah a si. Cu hlathlainak an tuahmi ah cun January thla thok khan ai chang lengmang in kha vawlei cungah minung 7,000 hna cung ah hlathlainak cu tuah a si. Cu hlathlainak an tuahmi ah an hmuhchuahmi cu zawtnak rungrul a langhning hi ai dang lengmang. SARS-COV-2 in a rak chuakmi a si lai i October 6 in December 11 karlak chung ah khan minung pumchung ah faakpi in rianṭuan hram ai thok i a si lai tiah scientist pawl nih an ruah cang.

Figure, SARS- CoV 2 Structure. Contributed by Rohan Bir Singh, MD ...

Hi bantuk hin hlathlainak an tuahmi hi tlamtlingte in a ra laimi ah Scientific Journal Infection Genetics and Evolution timi ah chuah a si lai tiah an chim. An chim chihmi cu hi pulrai zawtnak rungrul hi kan rak ruahning nak in a rak chuahnak hi tuandeuh ah si dawh a si tiah an chim. December thladongh ah khan China nih hi COVID-19 in a zawmi kan hmuhchuah tiah an thanh i January 11 ah a thi tiah a voikhatnak bik an thanh kha a si. A sinain mithiam expert pawl hna nih cun hi coronavirus hi langhtermi nithla nak in tuan deuh ah a rak in thok cang ko lai tiah French lentecelh zuamnak ah ai telmi hna chung in an hmuhning in an chim.

Wuhan Institute of Virology: Latest News & Videos, Photos about ...

Elodie Clouvel le a tlangvalpa cu kha Military World Games October 18 in 27 tiang Wuhan khua ah tuahmi ah khan an i tel. Kha Military World Games ah khan vawlei cung ram 109 in lente ai celhmi minung 9,000 renglo an i tel. Ms Clouvel chimning in doctor pawl nih an ka chimhning ah cun COVID-19 rak ngei cang lawh a dawh ko tiah an ka ti tiin a chim. RTL radio nih interview an tuahnak ah a chimmi cu zawtnak phunkhat a langhning ai khatmi in kan dihlak in kan zaw dih tiah a chim. Ref: EXPRESS.CO.UK

Leave a Reply