Intercessory Prayer timi cu miphun/midang ai awh i rinh awk tlaak te i thla cam asi. Daniel te hna, Moses te hna thla an cam bantuk kha asi. Atu kan chan ah cun thla cam nun a ngei kan ti mi hna mah rian ruah i ai ruah i thla biatak te i a cam mi hna, atu i DC area i a um mi Sayama Nukhan bantuk hi an si.

Sayama Nukhan nih a chim mi cu.. America ral doh bomh an hau i na kal a hau aka ti i cu bia aka chimh tlawmpal ah kal nak lam hi khuaruahhar in avan i hong i ka hong phan. Ka phanh cangka DC area Whitehouse kam ah um hmun khuar colh ding asi ko na in Pathian bia um tu ning ka pemh thlu deuh lo ruang ah caan tlawmpal cu alang tlang deuh hna in ka rak um i atu hi cu a hmun le a hram bak ah ka um kho cang ati.

Sayama Nukhan thla a cam nak inn ai hlaan mi hi Laimi nih kan um nak innkhaan vialte lak ah a man a faak bik asi ko lai. Thlakhat ah 3500 $ a peek na in a chung ah tthutdan pakhat te zong a um lo, ihkhun zong a um lo. zei hmanh inchung thilri chiah mi zei hmanh a um lo. Pathian nih sia rem te um aka senh lo ati caah cuticun asining poh in a um salam i Whitehouse, Capitol, le Court hrawnghrang ah nichiar te thla acam hi kum 12 lam kal asi cang.

Atu nai hrawng hrang hi Election caah thla a cam i amah nih zei hmanh aho hi aho ti hmanh a thei hna lo na in Pathian nih a hmuh ter ning poh in thla a cam cuahmah. Zahan hrawnghrang i a hmuh tonmi pawl kha zuumtu nih kan theih ve a herh ngai ngai mi an si caah a ngai rih lo kan um ah cun rak ngaih cio a herh ngai mi asi.

Keimah pumpak tonmi pakhat : a luan cia kum ah kan umnak DC Maryland Newyork area ah Thlipi a rak hrang i zaan khuadei ttih phang ngai in kan rak um. New York lei cu kan mah um nak lei nak in alet tam tuk in a hrang faak ding asi caah President Obama nih “a him nak ah zaam uh ti lawng kei nih ka chim khawh mi asi” ti ah heh chet ti ah a rak au.

Zaan khua dei thli cu a hrang i New York lei zei tluk in dah a deen lai kan ti mi cu deng ṭhan lo in a rak dai tthan. Sayama Nukhan nih hin New York caah thla na cam a hau ti ah bia a ra a rak ti i Boat (tilawng) le Helicopter in New York heel pah cun thla a rak cam i Pathian nih ka veen cang ti mi aphi a peek tiang thla ka cam a rak ti. Mah ti khan thla rak cam hlah seh law kan umnak Maryland thli nih hei nawr chin ding khi Weather forecast nih an rak chim ning cu asi i faak tuk in a rawk dih ding arak si.

Atu zong President Trump hi Pathian nih America caah a timhlamh mi asi i a tlam a tlin khawhnak ding ah ti ah atu hi Capitol, Whitehouse ah a caan vialte peek in nifatin thla cu a cam cuahmah ko i a hmuh mi pawl hi miphun hawi zumtu hna nih kan ttheih pi i thlacamnak he kan dirpi ve ding zong hi a biapi ngai mi asi. Intercessory Prayer timi cu Thlacam raldohnak asi i mah thluachuah hmuhnak men si lo in miphun le ram ca i kut thlaak hmual hman, ral ram kal ve bantuk thlacam asi i atu lio America nih a herh bik mi cu Intercessory prayer i itelve cio hi asi.

Pathian duhnak tlin khawhnak hnga ding ah Minung nih kan duhnak kha Pathian sin ah kan rak thaap cio a rak hau i cu hnu lawng lawng ah Pathian biakam hi a tling kho ding asi. Vancung bantuk in lei cung ah na duh nak tling cang ko seh ti mi kha kan thlacamnak in tlin ter cio ding hi Pathian tinh ning asi.
America ram pi cu Big Tech le Media nih an duh poh in an thui khawh cang ko.

Ho hmanh ttih lo kaam lo pasal ai ti mi kan President Donald Trump ve lo bang Big TEch le Media nih Whitehouse ttuangro ah caar ko in an to ter i hi dir hmun in a chanh chuah kho tu ding cu Pathian fa le thlacam mi lawnglawng hi kan si cang ti hi Pathian mi hna sin i kan theih lengmang mi The Voice from Above cu asi. Sayama Nukhan bia hi rak ngai cio u si law kan thlacamnak kut vaan lei ah rak thlir cio rih hna usih. VIDEO Source: Salai Bawi Uk Thang Cinzah

_____

Copyright © Chin World News Evening