Saya Van Tum Faaktuk In An Phomh Cang. Van Tum Cattial Sum I Tah Seh, Tiah Na Khuami Nih An Ti

Chin News

Saya Van Tum cu cattiami kongah “Mawimawi Nu” timi faktuk in lehnak comments a tuah cang. Tutan ah Mawimawi Nu nih atu bantukin lehnak a tuahnak bik ruang cu “Trump ttanhtu Laimi cheukhat a timi hna ruang bik ah atu bantukin lehnak a tuah hi si”.

Image may contain: 2 people, people smiling, people standing, hat and glasses

Saya. Van tum na ka le laimi ti hi Aa tlak tuk e ziah Dr. na hmuh nak hi a ho thawng dah a si laimi khrihfa buu pa khat thawng in. US pi ah na phan i Dr. tiang in a hmu mi na si hi naa philh nang mah nak mi fim an tam tuk na si ning hi na khua mi ning na zah tuk hna hi Nang mah nih inn raang pi ah khin um nak law Trump hi Chaang law na thinlung zong a dam deuh lai.

Mi zeihmanh nih an kan uk ah hin a tha lei kap in co le hmuh kan rian a si ko. Laimi khrihfa na ti tuk caah Laimi pa khat kan si cio ning in ka tial cang ai khorh bu in US a phan mi hmanh nangmah nak in a fimmi an um deuh lai an ti na kong a hngal mi ni ni fa an chim hung tlung seh a nu le a pa rian hung bawm hna seh, cang ai hung khorh seh tianca po ah an in seih tawn. saya Van tum catial a sum i tah seh tiah na khua mi nih. an ti.

Saya Van Tum ttialmi: Facebook i ca ka ttial tik ah pumpak in ka cattialmi a lakmi/a kawihmi nan um sual lai ka phang. Ahohmanh pumpak in ttial hnawhmi le ti hnawhmi ka nei lo. Pumpak in a ka ti hnawh ti zong in rak i lak hlah uh. Trump pumpak le a ttanhtu pawl hei ti vial lawng in ka hmang ko lai. Trump le a ttanhtu pawl kong ka ttial tik zongah pumpak bak in hehtiah a ka ti lengmangtu pawl zong pumpak in leh kan tim hna lo.

Kei cu tuan i ka rak chim cang bang khan Facebook chungah profet bantuk in ka au ve lai ka rak ti cang kha. Lai miphun le Lairam a lamkip in kan thangcho nak ding caah profet bantuk in dinnak le thilhman, cawnpiaknak hman ka dirpi ve lai ka rak ti cang kha. Mah belte cu na dirpi mi le na ttanhmi hi pei na palh i midang caah buainak le hnahnawh lawng a chuahpi cu nan ti ahcun nanmah le Pathian i ceih te ko uh ka ti. Pathian nawl si ko seh ka ti.

Ka dirpi mi ka ruahnak le ka zumhnak ka kalpi mi cungah cun mah ti peng in ka kal ko lai. Bawi Zisuh zong vawlei a rat lio ah khan daihnak, remnak, ruahchannak, dawtnak, le dinnak a phurtu kan ti rualrual in amah ruangah buainak le i tthencheu nak zong a um len ve ko. Nan a lei i a ttangmi poah cu a hmanmi le a dikmi cawnpiaknak le zumhnak an hmu ve ko/an co ve ko. Amah a dotu poah cu kalsual/pialsual, misual le mipalh an si ve ko. Johan 7:40-52 ah fiang tein a chim ko.

Trump ttanhtu pawl nih Biden ttanhtu pawl cu nan kan huat nan kannih nih cun kan in hua hna lo. Trump ttanhtu zong nan za tein nan si dih ka ti lo. Party le minung ttanh ruangah i huat phung silo i i ral len phung zong a si fawn lo. Mah belte cu Laimi tampi nih Trump nan ttanhmi le nan vote mi cu nan palh bak ko ka ti. Vote pek kongah cun kanmah nawl si ko nan ti ko lai nan biaknak lei mit in zohtik ahcun nan i ralring deuh a hau ko lai. Trump nunnak, a policy le a thiltuahmi le a lungput pawl zoh tikah Khrihfa cawnpiaknak le Bible cawnpiaknak he tamtuk a kalh.

Mah kong zong tlingdeuh in ka rak ttial te lai. Ka chim cia bang in, Trump ttanh le vote pek cu kal sual/pialsual phunkhat a si ve ka ti cang kha. Hi hnulei US thimnak a um tthan tikah nan lung a fim deuh a hau lai. Mah tluk a rum cangmi bank account chungah phaisa tampi in kan rawnpiak rih ko lo nan ti pengmi cu nan palh bak ko. Kum 2021 in cun a sipuazi tuahmi ah khan va kir ko seh law nupi pa 4nak zong va nei tthan ko seh. Golf zong zalong ngai in va tu peng ko seh. Tax zong pek loin um peng ko seh a duh ahcun. Tarlei sangah nungak he zong i tuai len rih ko hna seh. Mah hlan zong cu nungak 47 nawn he buainak le i pehtlaihnak a nei ko cu.

Ka bialak ah Billy Graham fapa Franklin Graham khi a mui ka hmuh ka bak in ka lungah a chuakmi cu mah pa hi a pa bantuk a si te lai lo ka ti. Laipawl style in chim ahcun Pathian nih mah hngalh khawhnak cu a ka pek ve kan ti lai cu. Harnak le buainak a chuahpi tu a si te lai tiphun in ka ruahmi a si. A rak fim pah ve ko nan a ruahnak le a zumhnak le a kalpi ning khi a bi ngai ve ka ti. Kaphnih lei kal loin kapkhat lei lawng in a kal. Mah ttaangkahuih phun in a kal deuh. Bible a relning ah a fiang huaha rua lo ka ti ko. Khrihfa biaknak, cawnpiaknak ,le zumhnak a kilven ning le a humzual ning le sualnak a dohning zong khi a palh deuh ka ti keicu. Democratic party nih atu chun Georgia thimnak ah teinak hmu ko hna seh! Credit: Van Tum

Leave a Reply