Saya Sui Mawng nih Dr. Rual Uk challenge a tuah. Tuzing Debate an tuahnak a donghnak biachim ah Saya Sui Mawng nih Dr. Rual cu hitihin challenge a tuah. Saya Rual Uk kha kan sawm kan sawm ko nain a duh lo i, a duhnak ahcun a lang thiamthiam ko. Aduh tik paoh ah debate tuah khawh ka si ti kha ka vun chim duh.

Kan fa le kan nau le hna nunnak thaap in raal an doh cuahmah lio ah Cheuhra cheukhat hna raltuknak ah hman a ttha lo a timi hna kha i ngol cang seh law. Bible chungah David siangpahrang zong kha a rawl a ttam lio ah a raalzaam lio ah tlaangbawi lawng nih an ei mi a ei ve ko timi hna kha rak thei sehlaw tiah a chim.

Dr. Aung Myint Thang. Oneness Pawl Yangon Ra Uh, Kan Leng Hna Lai. Tunai Oneness le Trinity debate an tuahnak ah a donghnak bik lawmhnak biachim or siaharhnak an chimter mi hna ah Dr. Aung Myint Thang nih hitihin a chim. Onesness pawl hi kan uar ngai hna. Bible debate nan huam. Oneness pawl hi kan dawttuk hna. Asinain zumhnak lei nan kalpi mi hi cu ka uar lo taktak tiah a chim.

Cun a ti rihmi cu Oneness pawl hi cu kan dawttuk hna, Yangon ah ra ulaw rawl hna kan ei tti hna lai i,hmunkhat te ah kan leng hna lai. Nan zumhning tu hi kan uar bak hna lo. Nan kalpi mi zumhnak hi cu kei mah nih cun nawnnok Theology a si tiah kan timi hna nan si tiah a chim.

Oneness hi cu nan mui zong aa dawhtuk hna. Pa sinak le Fapa sinak vialte nan nawnnok dih hna, nan kalpi ning hi cu vun thrinh deuh ulaw ka duh/Trinity ah rak lut dih uh, nan luh ruang i hell ram nan phak ahcun keimah ruangah si seh tiah a chim.