Khrihfa thawngṭha chimtu Saya David Lah hi thong a thlaktu cu NLD acozah hruaitu Daw Aung San Suu Kyi hi a si. Hihi chinmi khrihfa zumtu pawl nih kan itheih palh lo ah a biapi ngaingaimi a si. Cucu zeitindah a si khawh khawhning a si? Emergency Management zulhphung buar ruangah tlaih le thongthlak hi a si.

A bia ngai bikmi cu Coronavirus Respone Team hruaitu nawlpeeknak in tlaihmi a si. Cu i nawlngeitu lutlai Chairperson cu Daw Aung San Suu Kyi hi a si. Zeiruangah dah Saya David Lah hi an tlaih? a ruang cu vote duh ruangah a si. Kawlmi 50% renglo cu Buddhist an si hna i Khrihfa biaknak le biakdang dang rawhral a duhtu an si. Daw Aung San Suu Kyi hi biakdang ṭanhtu le tha peetu an puh lengmang tawn.

Cu bantuk pawl nih cun NLD hi vote an pee suallai lo ti an phan i an lungton a timh hna ruangah Saya David Lah hi an tlaihnak a si. Hitihin kawlpawl lungdi riamter aa timh hi a si. Daw Aung San Suu Kyi hi a nu Daw Khin Kyi cu Methodist khrihfabu a si i a pa thih hnuah a nu he lawng khua an rak sa. A pasal Eric le a fapa hna zong Anglican biaknak a zummi an si. Amah Daw Aung San Suu Kyi zong hi khrihfa ding cu a sinain, sinak/nawlngeihnak duh ah Jesuh Khrih hlawt in mileng le lukawng (phungki) hmai i kuntu ah a sinak hi a si. Palian Lai Mino