Saudi Arabia Ah US Nih Ralkap Le Hriamnam Chiah A Timh Cang, A Ruang

US aa timhtuah ning ttha chin lengmang, Iran caah thinphan dailo bak si cang. Iran he an karlak chiat lei a panh chin lengmang tikah Middle East chungah U.S nih raltuknak hriamnam le ralkap a chiah hnuah zongah atu ah Saudi Arabia ram zongah aa ralkap le hriamnam ceilak chiah tthan dingin U.S cu timhlamhnak a ngei tiin langhter a si.

Hi kongah Trump administration nih Saudi Arabia he ceihkhannak an ngaih dih hnuah Saudi Arabia khuapi Riyadh chak lei desert area i, Prince Sultan Air Base ah U.S ralkap minung 500 tluk umter timh an si tiah langhter a si i, mah air base ah hin ralkap zeimawzat cu U.S ralkap hna umnak ding hmun hma siamsemh dingin an um cang”tiin langhter si. Cu pinah runway siamremh in Patriot surface-to-air missile system hna tiangin chiah dingin timhlamhnak ngaih a si’ tiin langhter chih a si.

Saudi ahhin F-22 le fighter jet dang zong chiah dingin timhlamh a si. Khat leiin mah kongkau ah US Department of Defence lei nih cun zeihmanh an chim mi um rih lo.