LOVE SONG SAK, ka Hmuh ning: Love Songsak hi, kan Laimi cheu khat nih Sual asi ti mi le Sual a si loh,Asual lem loh, tiin kan Um hna, kei nih cun, A Sual lem loh tiin ka hmuh ve,Sual nak hi Lenglang sual le Chunglei sual nak tiin Pahnih in țhen khawh asi, Minung hi Nikhat chung kan Nun nak ah Sual he kan i țhen kho hna loh, Love song cu,Duhdawt nak hla asi ko le Kan Bible ah Solomon hla khi Duhdawt nak Love song asi ko, Asi nain, Evangelis cheu khat nih Solomon hlatham cu, Cu tin kha tin pei asi ko cu tiin An silh nalh, Nain Love song asi ko el Awk a țha lo.

Mi Phun phun khat kan si ve tik ah Love song zongcu kan neih ve Hrimhrim ding asi, MiPhun dang nih an neih dih i kan Lai mi Phun nih Sual asi ai tiin kan Neih lo kha Vawlei cung miphun vial te lak ah, Midingcem le mițha cem Miphun zong kan si hlei loh. A tu lio kan Laimi lak ah, kan far le asi mi hna, Nu ngak, Vanhlei sung le Ester Dawtchin Sung hna hi, kan Laimi phun Pangpar an si, tck/ Sungtin par le Ester Dawt chin sung hna hi kan Laimi min țhat ter tu an si hna, Pathian hla lawng raksa hna seh law mah dir hmun an Pha hnga loh.

Love song an sak ruang ah mi sual an si hlei lo, Cun, HriamNam lawngin tei nak a si lo ban tuk in ,thiam nak in mitei khawh asi ve,Miphun dang nih kan Laimi An kan Neek, asi nain,Atu ban tuk in, Sungtin par le Ester nih an thiam nak thawngin, An kan Neek nak kha, an mah thawngin U pat nak tu an kan pek,.khakha HriamNam lo tei nak cu asi ve. Cucaah Miphun Pakhat kan si nak ah, Love songzong kan neih ve kan sak ve hrim ding asi ko, Love song sak nak in Sual nak dang tam pi ti kha kan theih ve a herh, Cu caah Love song sa duh lo in, Pathian hla lawng asa mi kha, Mi ding mi fel hlei an si lo,

Cu ti kati tik ah,.Love Songlawng sak ka dir pi nak si loin, Jesu khri ah a hrin țhan mi nih cun,Pathian hla sak kha an duh bik ko lai,.Cu caah Love Song sak Sual a ti mi pawl khi,thiam ai co ter mi deuh kan si, kan Laimi nih Thlarau lei ah Pa ban tuk i kan hmuh mi, Rev Dr.Vanram Uk love song sak hi Sual asi maw? tiin an hal mi ah,Sual asi lem lo Sual nak cu, love song sak lawng asi lo zei dang sual nak a tam tuk a rak ti, Miphun Pakhat kan si nak ah love song zong kan sak ding asi ko Pathian thang țhat nak hla zong kan sak ding asi ko, A Sual tuk ah ka chia lem lo.by..Sangling, Thantlang.