Sangtei Te Nufa Kalaymyo An Phan Cang: Salai David Nun Tho Nih Bawmhnak A Halpiak Hna Cu $4,680 An Hmuh Cang

Tuzing 10: Am ah sangte le a chungle hna cu Kalaymyo dam tein an phan kho tiah thawngpang kan theih. A fate zong a ngandamnak lei vitamin a chambau ngaingai ti asi. Hiti an zamnak ah ti le rawl zong ttha tthi an ei lo caah asi lai tiah cheukhat ruahnak a um. Bawipa nih an lam hruai hna sehlaw an lam tluang hram seh!

“Atu hi rawldawr panhin an kal cuahmah lio asi. Sangte te nufa hna hi an hrisel/ngandamnak lei a chambau ngaingai ti a lang. Medical check up tuarter/ngeihter ta i, thaizing leiah an khua leiah tu ah lan hna sehlaw ka duh piak hna. Anmah zong ka rak chawnh lai” tiah Sangtei te nufa a rak dongtu JC David New nih a chim.

Atu bantuk in naitan ah Gofundme timi website in nufa hna caah tiah Salai David Nun Tho nih bawmhnak a rak tuahpiak hna i US $ 7000 deng tluk a chuak. Nain ruah lo piin nufa hna an tlau tthan ti thawngpang theih tikah cu bawmhnak an hmuhmi vialte cu a petu le a bawmtu hna sinah pekchanh tthan asi. Nain a zamnak in hmuh asi tikah a konglam ttha tein an hal.

Amah hrimhrim nih hatsatnak a ton ning aa chim phuan tikah zaangfak taktak khi a rak si. Cucaah Salai David NuN Tho nih Gofundme in bawmhnak a hal piak tthan i a tu hi a dihlak in $4,680 a chuak cang. Sangtei te nufa hna caah na kut rak samh ve ko rih $4-5 nih na bawmh hna zongah an caah tthathnemnak tampi a um.

Hika link ahhin bawmhnak pek khawh asi. https:https://www.gofundme.com/f/ TNMLu2OVIBD1k