Farso khua i Sangtei nufa caah dawr le inn sak ding timi kongah Ma Tling nih mipi sinah chim fiannak a ngeih. Ma Tling nih a chimmi cu ” Duhdawtmi u le nau hna, chin miphun duhdawtnak lungput ngeitu le thil ttha ruat thiam USA mipi hna bawmhnak, Laimi caah thatnak le tthanchonak i a pumpemi mifim mifel David Nun Tho i hruainak in kan nau Sangtei nufa hna caah umnak ding inn le an paw cawmnak dingah tiin mipi bawmhnak tangka (12081912 Kyat) cu keimah sinah an ka kuat i ka kuat cang. Cu bamwhnak phaisa hmanning kongah Kalaymyo Chin Community hruaitu pawl he caihhmaittinak kan ngei cang.

“Cu konghe pehtlaiin January 16, 2020 ah Laitlang Sangtei umnak Farso khua ah Chin Community hruaitu he tiin minung 7 kan kal tti i inn saknak ding hmun le ram zong zoh in khuabawi le khua chun gupa pawl he caih ttinak kan ngei. Sangtei nufa umnak ding cu Pyithawngsuh lampi, kan Lairam Falam, Hakha kalnak Mawttaw lam pawng, Farso khua lu timi ah a si lai. An nufa pawcawmnak caah dawr hmete zong tuahpiak an si lai. Cu hnuah tangka ahlei ahcun an nufa caah tiin Bank ah chiah piak an si lai.

“Anmah nufa zong an dam ttha ngaingai. Lawmh a um ngaingai. Ramchung ramleng dawtu hna zawnruahnak le dawtnak in Sangtei nufa tein an um kho ve cang lai. Van thluachuah, lei thluachuah cu petu le bawmhtu hna cungah dongh loin Pathian nih in pe ko hna seh. Nan zahte cungah Chin Community nih kan lunglawmhnak kan rak chim hi a si. Zalen