Falam lei zong ah Samaria mițha pa a um ve ruangah bia tampi kaa sum. Mit caah mit ve in bia ka chim lo. Nan kan ti ning a fak tuk hih ti vial khi an tuahsernak hmanthlak le tehte he ka hei chuahpi tawn bia a si. Micheu nih cun Falam soi huam ngai ah an ka rel. Mizo le Kawl hi fak ngai in ka sawi bal hna nain Falam hi ka zuah zungzal hna. Laimi pei kan si cu ka ti. Laimi timi cu Laihri tlai zong pei kan si cu ka ti.

Mizo ka sawi hna zong ah Falam cheu khat nih cun an mah sawi ah an rak ruah. Kei mah tu an ka phomh tawn. An mah Falam nih le Mizo mar cu an rem țhiam hna lo. A ngai ngai ah Mizo ka sawi tawn hna khi kei mah țhat lo si loin cu hlan i an rak tuah mi vialte chuankhan in ka hei lehrulh tawnmi an si. Zei ruangah tiah cun mizo holh le miphun zohsan tuknak ah a hmangmi an um caah. Miphun kong hi a pemh lomi kan tam tuk cu. Pumpak kan Identity nak in upat deuh a herh mi a si. Cutik vialte Mar nih a phunphun biafang hmang in an rak kan nehsawh,thlanglamh mi kha philh colh phung a si lo.

Hakha,Thantlang lei ah ka fim ve aa timi pawl nih hin a ho hmanh i sawi a hau lo hei ti phun, an kan sawi zong le i in ziar ding a si ko ti phun in a tu le a tu fim an kan chimh hmuh khawh a si. Cangai hmanh a khor chungah cun a dai lo. Hakha-Thantlang fa a si mi paoh poah hi kan i aukanh a herh ve cang. A ngai ngai ahcun mifim aa ti ve mi, dai tein um ko uh a kan ti lengmangmi pawl ruangah kan zatlang nun a rawk tuk cang. Mah Hakha Hrinsor cawisang loin midang va cawisan fim ah a relmi kan tam tuk cang. Kan hakha Hrinsor in aa zuammi an um lo ahcun kan uarmi poah kha zalong tein țanh a ngah ko.

A ngai ngai ahcun Esther khi i zuam hlah seh law, Benjamin khi Laimi paoh nih cun vote ding khi a va si ko, thil kal ning ah mu. Benjamin le Jaw Kee i tel hna hlah seh law, a dang kan duh mi paoh kha zalong tein țanh phung a si. Fim cuh ngai in kan mah nawl,peng bawlung puai zong a si lo, kan mah zalonnak a ti tu pawl kha nan mah cio i zuam u law Laimi nih nan muichiatpi le nan awlai he in ti hna seh law nan duh lai maw? Miphun lungput nan pemh rih lo. Siter zong pei nan thiam lo hi. Cucaah kei cu Facebook ah hin cațial ka zuam lem lo, nain Hakha kong ah, Lai kong ah, Chin kong ah ka mit kem mi ka hmuh paoh ah rian khinh mi bang, Leklak ka tho i, ka țial ko. Micheu nih cun cațial lawng ma na thiam, a tak in țuan hen an ka ti țheu, Cațial hi rian pi taktak a si cuh. Laimi tam deuh nih cun tawpir i tuhmui he lothlawh hei ti phun, nilin lak ah i pho hei ti phun lawng hi a tak rian ah a rel mi kan um cuh.

AA kong ka țial zong le, a tak in teh na tuah hei ti bantuk, Kawl nih cun kum zaza a luanciami ah khan Cațial hriamnam kong an fian cang. Meithal le vainam i tlaih in mirang doh a biapit rup tein Kalawng min in cațial nak he doh a biapit zia zong an hngalh cang. Carel loin fim khawh a si lo. Laimi cu a tu tiang hmanh ah pei kan pemh rih lo cu. Zei tin dah philosophy santuk lio chan ah hin primitive ruahnak nan ngeih peng. curuangah Siang Bawi cu Cabia hriamnam aa thlaihmi a si. A chim cang mi le a phuan cangmi ahcun hruhbia ah na ruah hmanh ah philosophy taktak a si ruangah na rak pemh lo bia a si lai. Esther kan dirpi khi a mah pumpak kan dirpi sawhsawh a si lo teh. Lai limhaang kan dirpi a si. A ho kan far cio zong Miphun dang hmai ah zuamnak maw, pakhat khat ah nan chuah cun kan in dirpi ve ko hna lai.

Zakhat ah zakhat bak in dirpi kan in zuam hna lai, an sawitu, an thangchiattu, Halkha e,Thantlang e, a ti tu an um ahcun kan zoh sawh hna lai lo, kan phil dih colh hna lai. Falam lei nih an in ti hna zong ah, Tidim nih an in ti hna zong ah, mizo nih an in ti hna zong ah, kan phil dih hna lai. A ngai ngai ah kan mah bantuk, misual ngai ah ruahmi, peng kar ah buainak na chuahpi nan kan timi nih hin pei kan far le kan in humzual hna bia a si cu. Cung sang ah kan in cawisan hna bia a si cu mithlanglamhmi si kan in sian hna lo a si. Cu mifim țha ngai i nan ruah mi, an photo le an cabia kip “Like” le “love” reaction nan pekmi pawl peng kar ah buainak nan chuahpi a ka titu pawl a phunphun in sual a kan kawltu pawl lawng khi um hna seh law, cinghngia le sihal nih an in thlehbaoh dih cang hna lai. Tukhal țha nih tanbo zong a ngeih ti an hngal lo teh, țhengțhunh hmanh an ngei lo teh. chuncaw tompi he lawng pei an in khalh ko hna cu, Cinghngia ra hna seh law an in zoh sawh hna lai I cu cu țhat le thluakkarh ah an rel ko lai.

Laifanu le Laifapa tampi nih tukhal țha tak nan pemh ti lo tanbo le țhengțhunh aa kenmi tukhal cu mi sual ah nan kan rel cang. Chuncaw tompi he fim cuh ngai in ummi, lum dok lo, kik dok lo pawl nan uar cang hna hi. Nain tanbo tlangval, țhengthunh tlangval pawl hi Laipa taktak, a fim taktak ve mi phunțanh pasalțha timi cu kan si. Nan uar tuk mi Chuncawtom tukhal pawl, dai ziar an um ah an fim tuk si an va buai lo ve aw, nan timi pawl thawng in nan him a si lo teh. Tanbo pasalțha, hngap tiah a chuakmi, buainak zualtertu i nan kan ruahmi thawng in pei thiamcoter le himter nan si cu.

Falam lei zong hi Samaria mițhapa Van Van a um ruangah mit caah mit ve in ka leh hna lo bia a si. Leh awk tlak tampi ka ngei ko nain an Samaria mițha pawl an ngaihchiat lai zong kha cuaithlai thiam a herh ve caah kaa sum. A sinain an samaria mițha pawl mithmai zoh in daih ziar awk zong a țha dih ve lo. Cuaithlai thiam kha a herh. Cu siah kan Halkha lei dai ziar i a ummi hi Falam lei nih Samaria mițha an ti ve hna lai i an mithmai an zoh ve ko hna lai a si tiah biahalnak a um lai. Falam lei nih cun ruat hna lo Van Van bantukin ruah awk zong an țha fawn lo, Van Van zong hi zei dang ah si loin Falam a bik in Makau,China, Pattaya,Thailand hrawng nu ngak pawl comment a chiat tuk ruangah Samaria mițha a tuan nak pakhat cu a si ve ti a si. Credit: Siang Bawi