Myanmar Idol Season 4 Winner a simi kan farnu Esther Dawt Chin Sung uar a um chin lengmang ko. Pathian nih thluachuahnak apekmi awl le zai in hmang in a hmuhmi cu Pathian Biakinn saknak caah a hlut ṭhan tiah kan theih uar a um hringhran ko. Asinain a zeizat dah a hlut timi belte cu a chim lo.

Amah Esther nih a chimmi cu “Tutan zongah mi bawmchan kho dirhmun ah ka dirnak a hrampi cu Pathian dawtnak thawng in asi timi fiangte in a hngalh tik ah Bawipa sinah lawmhnak bia a chim. Mi bawmchan kho ka sikhawh nak dingah Pathian nih awtha hlasak khawhnak a ka pek mi asi.

Bawipa dawtnak thawng le miphun hawi dawtnak thawng in Pathian nih pek mi aw le zai ten ka hmuh mi chung te ka si kawh tawk te ka hlut kawh ve caah lunglawmh nak tam pi ka ngei Bawipa ” tiah a chim.

Mino te a si rih nain hibantukin thil lianngan taktak a tuahmi zoh tikah zohchun tlak taktak a si. Miphun le Ram caah a saduhthahmi zong Pathian nih tlamtlinnak pe sehlaw, hla a saknak tete zongah umpi zungzal ko seh. Cun midang caah bawmchantu ṭha ah ser in a thluachuahnak he zul dawi hram ko seh!