By Salai J Van Duh Thar Lahnin|Chin World News Evening nih Biak Nun Nem timi Account hmangin atulio Hakha Mino hruaitu pakhat a simi Salai Ngun San Aung a zaamnak zong kan postmi kongah mipi leiin mawchiatnak le thangchiatnak tampi a um. Hibantuk hi cu post ding a si lo tiin fak ngaiin biachia kha kan dong.

The Chin Journal nih a taarmi,”Hakha Mino Hruaitu Salai Ngun San Aung Himnak ah a Zaam. Hakha mino hruaitu pakhat a si i, palik le ralkap nih tlaih an timh vemi Salai Ngun San Aung cu nihin zinglei ah ramri leng ah him tein a phan cang, tiah naihniam hna nih an chim,’tiah a taar.

Cun, hi kongah amah Salai Ngun San Aung hrimhrim nih a fianternak atuahmi cu,”Dear upatmi ka miphun hawi hna mizapi nan lungrethei in nan khuaruah a har sual tiah keimah nih himnak hmun tiah ruahmi ka phak cang ko caah tubantuk in The Chin Journal sinah thawngthanh dingin bawmh ka halmi hna a si.

“Cucaah The Chin Journal cungah mawhphurhnak rak ngei hrimhrim hlah uh tiah kan duh hna. Cun, nan thlacam piak cionak thawngin ka him i keimah zong ram le miphun nih a herhning hoih in ka rak kir ṭhan lai i khuazei ram hmanh ah luphum ding kaa tim lo. Pathian nih a ka chiah i kilven ding ṭuanvo a ka peknak Chin Miphun umnak Chin ram ah ka luphum ding hi zeitik paoh i kaa ruahmi a si. 2021 Rampi dothlennak ah aa telmi dihlak cungah upatnak he, Salai Ngun San Aung,”tiah amah Salai Ngun San Aung nih fianternak a tuah hi a si.

Biakilh: Amah kan kongmi mipi leiin thehthiam lonak le vuivainak tet a um caah amah nih fianternak a tuahmi kan von taar ṭhanmi a si. Share philh hna hlah usih!