Salai Ngun Hei Thianhlun A Hawi Le Nih An Sian Lonak Ca An Ṭialmi Vun Rel Cu Ngaih A Chia Hringhran Ko Mu “Vanram Nuam In Rung Kan Dongte Mu”

Chin News

Ngaih A Chia Hringhran ko: Salai Ngun Thianhlun(Kawingun) Ziahhme mah ti cun nan kan kaltaak tuan aw! Online le phone in saduhthah phunphun kan chim kan ceih i, kan i nuam ngai tawn kha,na tlawnlen nak i thil khuaruahhar deuh na hmuh ah siaherh ngai in a langtlang in na van ka chimh tawn,kei nih na tawn mi thil kong ah lawmh awk a si ahcun kan lawmhpi tawn i,ngaihchiatnak a si ahcun kan ngaihchiat pi tawn. A tu ahcun e Kawingun aw thawng i hal le bia i ruahnak vialte cu zanmang bang an lo dih i, Nan kan liamtaknak kong tu na miphun hna hmuh dingin kan post cang e.

Image may contain: 1 person

Kan cakuat tete hna kha an hmun ko rih dah kaw, na damlonak kongah thazaang kan peek tawn mi kha san a tlai kho hrim lo mu! Kawingun rak kal chung ne law Kan biak mi Pa sin ah kan i tong te hna lai. Credit: Tin Duh Thang

Image may contain: 1 person, close-up

Rest In Peace With God. FB ka hawile lakah hmaitonh tein hmuh tawn ka duh ngai mi hna lakah tawn manh loin Salaingun Thianhlun nih na kan liamtak mi thawng ka theih cu kai zumh kho ve rih hrim lo ee.Hibantuk in na zawtfahnak tal hi rak thei ning law kan rak leng hrim hnga. I hmuhtawn manh lo tein na liam a tuan tuk ee.

Image may contain: 1 person, sitting, eating and indoor

2016 lio hrawng si rua Pu Moses office ah Zophei mino thimnak A Thawng pa he kan tuah piak hna lio ah kan hmuh ko a ka ti nain kei nih ka rak hngal lo. FB like le comment a ka pek peng lawng siloin messenger in ram le miphun kong a hot deuh mi poah bia a ka ruah tawn caah ka tlaihchan ngai. Tawn ka duh ngai mi ka hawi pakhat nih tawn manh loin na ka liamtak cu ka celh ve hrim lo ee. Sining leng piin kan nu a thangthat mi hrim hi ka philh kho lo. Al Bik Lian Zathang

Kan hawi tha Salaingun Thianhlun nih zahan zan ah a umnak Greentree Apt ah mual a kan liam tak ee! Kan hnulei te ah khan TB damlonak in zato ah aa thlawp i a dam lei deuh asi tiin inn ah an lawiter i tuzing sii Sayamah nih si ka rak dinh la ati ah a ruak in a phawh ee tisi. RIP my Bro. Salai Cung Khenglawt

Ngaihchiatnak Mitthli. February 3/2020 Mandalay I Mission Rian Kan Rak Thawk Ka, ( Kum 2015 lio) Sayama Mah Swe Lahkhah a kan pekpiaktu Salai Ngun Hei Thianhlun nih mual a kan liamtak thawng ka theih cu ka Lautuk Hringhran! Salai Ngun Hei Thianhlun kan in siang lo! Kan Ngaih A Chia Tuk! Vanram Nuam In Rung Kan Dongte Mu. Credit: Benjamin Khamh Bawi

Ngaihchiatnak (A sad demise). Ngun Hei @ Salai Ngun Thianhlun nih mual an kan liamtak timi thawng ka theih cu ka ngaih a chia tuk ve hringhran. Salai Ngun Thianhlun hi hmaitonh in aa tong bal mi kan si lo nain online chung in aa ngamhtlak mi le aa dawtuk mi, unau bantuk in aa chawn bia zungzal mi kan si. Ruah lo pi in a thawngpang ka theih cu ka zaanmang hlah maw ti awk tluk in ka lau ve.

Salai Ngun Thianhlun hi Miepi Facebook group (Miepi News) ah Admin caan saupi a ttuan mi, nihin tiang Admin list ah a um peng ko rih mi a si. A zohkhenh mi Miepi News le Admin aiawh in ngaihchiatnak ka rak langhter lawng si loin pumpak in aa dawh mi le aa ngamhtlak mi kan sinak zong in ka sian lonak ka rak langhter ve. Kan dawtmi Salai Ngun cu hi vawlei ah a um ti lo cu caah Miepi Admin sinak in a min kan rak hnawh ve cang lai R.I.P. Tantak mi chungkhar cingla rualchan Pathian nih in hnem hram hna seh mu.

Ngaihchiatnak hrawmpi buin

Miepi News Admin

Na Naupa Salai Cung Dawt

New Delhi

Note: Hihi a hawile kom tete nih an sian lonak le zeitluk in dah bochan tlak le midang caah hawikom ṭha taktak a si ti ahawi le nih a Facebook  ah an ṭialmi vun kan vun khawmhsuatmi a si. A pam tuk hringhran ko ee. Hiti bantukin midang bawmchantu le miding mi ṭha hna nih mual a kan liam taakmi hi cu sian an um hrimhrim lo. Ngaih a chia hringhran ko. Tantaakmi chungkhar Bawipa tu nih hnem hram ko hna seh!

Leave a Reply