Tutan Salai Lungthli Tu biachim cu a ttha kho taktak. A tthat lawng hmanh si loin ahman kho taktak. Hihi kan herhmi cu a si. Thleidannak a ngei lo ti a fiang ngaingai. Esther Dawt Chin Sung vial Vote pek i Benjamin Sum pek lo tikha ahman lomi a si.

Minung kan si bantukin ttanh deuhmi cu kan ngeih awk a si ko. Minung phung asi. Asinain kan Miphun chungin an si tikah thleidannak kan ngei sual hna ahcun Miphun nih an kan tei khawh tihi theih hna usih! Judges pawl khi kanmah miphun an si lo. Cucaah kawlzia cu nan theih cio ko. A duh ahcun anmah miphun asimi Aye Mya Phyu Winner an coter khawhmi a si.

Cucaah atu hi Vote pek caan a si. Atu hi a caan taktak cu a si cang. Vote in thazaang pe ko rih hna usih. Kan nau le veve an si ko caah thleidannak ngei hrimhrim hna hlah usih. Anmah pahnih pakhatkhat Winner an co khawhmi a si. Cucaah kan thazaang cio ko hna usih. Salai Lungthli Tum nih attialmi atangah rel khawh a si.

Salai Lungthli Tum: Falam le Kalay khuami nih a hleice in Benben thazaang an pek, pek hrimhrim awk zong a si. Hakha le Thantlang in Benben a uarmi zong nih vote pek ding a si ve. I soisel awk si lo, miphun khat unau kan si. Esther zong a khuami Hakha le naihniam deuh Thantlang nih a hleice in thazaang kan pek awk a si ve.

Atu bantuk a herh caan ah mah le mah i tanpi le thazaang i pek hi miphun dawt zong a si. Nain, Hakha le Thantlang na si ruang ah Esther lawnglawng vote pek ding, Benben vote pek awk si lo timi ruahnak cu kan Chin miphun caah tihnung takmi virus a si.