Salai Lungthli Tum: Thantlang Upa Hna Nih Ralkap Cozah An Ton Mi Hna Khi Thantlang Khua An Dawt Tuk Caah Asi. Thantlang upa hna nih ralkap cozah an ton hna khi miphun leirawi ah kan ruah colh hna ahcun kan lungput hi kaphnih khua ruat kho lomi extremist ‘pialsual’ kan si timi fiang tein mah le mah i hngalh nak a si hnga. Thantlang an dawt tuk caah huat le thangchiat ton ding an theih tuk ko buin Than tlang khua le khuami hna caah a tha bik lai tiah an ruahmi an tuah khi asi.

Anmah pumpak ca hlawknak a um bak lo timi fiang tuk in an theih cia ko. Ruahnak le hmuh ning cu ai dang cio lai ta. Miphun zawn ruah lem loin zapi nih an uar lai timi poah aupi a hmangmi phete pawl nakin cun miphun le khuami caah a tha bik lai tiah zumhmi kha fek tein a dirpi ngammi pasaltha hna khi uar an um tuk ka ti.

Thawngdang Mindat Ah Atu Hi Jet Fighter In An I Kap Cuahmah Lio. Tuni zinglei CDF-Mindat le Sac Ralkap karlak ah kahdohnak achak i atu hi Sac Ralkap nih Mindat ah raldohnak vanlawng jet fighter an hman cuahmah tiin an mah Mindat Khuami sinin theih asi. Atu an i kah nak hi Mindat peng khua ah asi. Sac Ralkap nih raldohnak vanlawng jet fighter in atu an kan kah i Bomb an rak thlak caah thlacam rak kan bawm cio uh!

 

CDF-Mindat le Khuami dihlak an himnak dingah thlacam kan bawm uh tiin mindat khuami sin in kan theih mi hi asi. Fak piin thlacam rak bawm cio hna usihlaw. Nizaan ah thantlang Upa le Sac Ralhrang hakha ah an i tong ti kan theih Nihin ah Mindat cu raldohnak vanlawng in an phomh cuahmah hawn than.

 

Thawngdang Thantlang Dirh Ṭhan Kongah Ramkulh SAC Cozah Le Thantlang Khuanu Khuapa Meeting An Tuah. Pur (June ) 30, 2022, cawn ninga ni ah Hakha khuapi ramkulh cozah meeting hall ah Thantlang dirh ṭhannak kong meeting an tuah i Chin ramkulh SAC CM Pu Ngun San Aung nih a telpi hna.

Pu Ngun San Aung nih cun biahmaiṭhi a chim hnuah atu i an tuah liomi meeting cu Thantlang dirh ṭhannak ding kong a sinak meeting a kaimi ramkulh zungkip ṭuanvo ngeitu hna zong nih Thantlang hi a hlan bantukin asi khawh nakhnga chimrel cio ding cun meeting ah aa telmi Thantlang khuanu khuapa le Biaknak lei upa hna zong nih Thantlang dirhmun le dirh ṭhannak ah a herhmi zalong tein chuahpi cio ding, a bik in ralzam hna Hakha i ṭhialkamnak kongkau ah ruahnak chim ding cuti ralzam ṭhialkamnak ah harnak a um ahcun mawṭaw timhtuah piak an si lainak kong le Thantlang dirh ṭhannak kongah a biapi bikmi cu i zumhnak asi caah pakhat le pakhat cungah zumhnak ngeih a herhnak kong a chim.

 

Cu hnuah North Western Command i Deputy Commander Brigader General Myo Htut Hlaing nih Thantlang kahdohnak ruangah ralzam in a ummi hna an umnak hmunhma ah chiah ṭhannak le Thantlang khuapi a daih khawhnak dingah khuanu khuapa le Biaknak lei hruaitu hna i bawm in rianṭuanṭi a herhnak kong a chim ve. Cu khawh cun ramri runvennak vuanci Brigader General Han Win Aung le ramkulh cozah chungṭuan (Secretary) U Maung Maung San nih Thantlang dirh ṭhannak rian ṭuan khawhnak dingah zungkip i ṭuanvo ngeitu hna zong nih a hlankan in timhtuahnak ngeih chung a herhnak kong an chim ve.

 

Cu hnuah Thantlang lei in Rev. Dr. Lal Uk, khuanu khuapa in Pu Ngun Hram, Pu Ram Khar le Pu Lawm Bik hna nih ralzam hna an tlun ṭhan khawhnak ding le Thantlang dirh ṭhannak dingah ramkulh cozah le ramkomh cozah nih kan tuahpiak seh tiah an duhmi chimrelnak an ngei ve tiah theih a si. Meeting a kaimi ramkulh level zungkip ṭuanvo ngeitu hna nih Thantlang ṭhanchonak caah an ṭuan cangmi, an ṭuanlio mi le ṭuan an timhmi kong chimfiannak an ngeih hnuah North Western Command Deputy Commander Brigedier General Myo Htut Hlaing nih ruahnak peknak bia a chim hnuah SAC cozah Chin ramkulh CM Pu Ngun San Aung nih meeting kharnak bia achim i an meeting cu an dongh ter tiah theih a si.