Caṭialtu: Salai Lungthli Tum

Zophei lawngte: Hakha peng NLD candidate Pu Zobawi, Pu Tial Ling, Pu Ngunvung khi an dihlak in Zophei an si. Pu Suithio zong Thantlang peng a si i a nupi Leitak a si ve.

Chin party CNLD zong zei hlei hlah, Pu Siangmang le Saya Robin an lut lai. Pi Zatlem a luh ve sual ahcun Hakha peng ah Zophei lawngte an i cheih te lai tinak a si. Tei duh ahcun thluak hman pah a hau. Mie, Zokhua le Senthang peng ah anmah pengtlang minung i tel bak loin thimnak i cuh khi sullam a um lo ngaimi cu a si.

Tuan deuh ah aṭialmi: Chin party cozah an ser khawhnak lam a um bak lo. Chin State Hluttaw ah MP hmun 24 a um, cozah ser khawh ding ah MP 13 a herh. Ralkap nih 6 an lak cia. I cuh ding 18 a tang. Paletwa hmun 2 khi an i cuh kho lai maw a fiang lo.

Chin party CNLD khi Tonzang le Tedim peng ah an thawng lai lo, MP 4 cu NLD or Zomi party nih an lak lai. I cuh ding 18 ah 4 zuh ahcun 14 lawng bak a tang.

Kawlmi tamnak Kanpalet ah CNLD an thawng lai lo, NLD nih hmun 2 ah 1 cu an lak hrimhrim. Mah pakhat cu zuh rih ahcun 13 lawnglawng bak a tang.

CNLD an thawn deuhnak ding Hakha, Thantlang, Mindat, Matupi, Falam le Paletwa(thimnak um lai maw a fiang lo) ah State MP hmun 12 lawng a um. Hi hmun 12 dihlak in CNLD nih an lak dih khawhnak ding lam a um bak lo. State Hluttaw nih chief minister thimnak nawl hmanh ngei sual sehlaw CNLD nih cozah an ser khawh ding cu a si kho rih lomi a si.

CNLD candidate pakhat khat nih Chinram cozah kan ser lai a ti ahcun zumh ding a si lo, lihbia a chimmi a si. Cozah an ser khawh lai lo nain MP an tlin ve ahcun mipi caah a tha ngai ve ko, Hluttaw chung in cozah an au hnawh khawh lai. Cucu democracy ram ah a herh ngaimi zong a si.