Salai Lungthli Tum Nih Sang Hre Fiang Ko In Lehnak A Tuah A Fiang Lawlaw Ko Hih

Hmuhning

Tuzing ah Chimi nih kan ibochan ngaimi Sang Hre nih Salai Lungthli Tum nih CNLD Chairman Pu No Than Kap kongah amah ruahnak hmuhning a chimmi kongah ahmuhning a chim ve. Cu a chimmi cu Salai Lungthli Tum nih lehnak a tuah colh ve.

Upa Sang Hre: Salai Lung Thli Tum nih CNLD chairman Pu No Than Kap a ti mi hi cu Falam le Hakha kar lak ah huatnak a chuah pi mi thil a si. Fak piin rak do cio uh. A hnu lei ah Chin ram NLD upa hna an um sual ahcun a tha lo ngai ding thil a si.

Tuchan ah miphun pakhat le pakhat huatnak kar ter ding in biachim le tuahsernak cu kan do awk an si. Chin mi cu pakhat le pakhat ai do ding ah kan hme tuk rih. Fimthiamnak zong hawi tluk in a ngei rih mi miphun kan si rih hna lo. Kan ifuntomnak nih thazang a chuah pi deuh.

1. Hakha a thancho ah i lawm hna uh sih.
2. Falam a thancho ah i lawm hna uh sih.
3. Paletwah a thancho ah i lawm hna uh sih.

Hakha a thancho ding a biapi bantuk in Tedim, Kanpalet, Matu tiang in a thancho ding a herh ve ti tu hi philh hna hlah uh sih. Peng le tlang i zuam cawhnak nih huatnak a chuah pi peng ti tu kan philh lo awk a si. Equal opportunity for All Chin tu ah dir hna uh sih.

Salai Lungthli Tum nih lehnak a tuahmi: “No Than Kap tuahsernak phuan piak khi Falam huat le doh ah nan ruah khi ka khuaruahhar bikmi a si. Nothankap cu minung pakhat lawng a si, Falam mipi a si lo. Atu khi Chinram hruaitu thim ding kan si, hi lio caan ah hruaitu an tuanbia phuan ngam khi a sual tiah ka ruat bak lo.

Midingfel an si maw, hruaitu tha an si maw tiin an tuanbia zoh in zohfel caan a si. A dikmi an tuanbia phuan ngam le phuan khawh kha democracy i a muru a si ko. A dik lomi belte tial awk si hnga lo. Chin pasaltha tampi an um ko buin tuanbia chia a ngeimi Nothankap thengte Chinmi hruaitu caah thim zong khi a herh tiah ka ruat bak lo. Kan ram a zamtak i ramtha citizen lak hnu ah kan miphun ka daw tiah a aumi cheukhat belte nih cun a tha ko nan ti ko men lai nain,”tiah lehnak a tuah colh ve.

Than Tiam Ramlawt nih Salai Lungthli Tum a pek ve ṭhanmi cu Salai Lungthli Tum,“Nangnih nai tinh bik mi cu, Thantlang, Halkha ahhin, CNLD an tlin lonak ding khi nai zuam ruangah, Pu No Than Kap in hman rua na hmanmi a si lai ka zumh? Nizaan na Comment ah a langko khah, ka damko ahcun, TT, HK ahhin cun, CNLD cu an tling lo hrimhrim lai ti hna khi, bia dawhcah lo ah ka ruah ko hih?

Chinram cu kan dawtding kan rian, nan rian hmeteh,CNLD an tling lai i anmah Pa No Than Kap nih ankan hruai hrimhrim lai ti khi a umbak loh khi awh, Lai khal kan Pa le hi aw, nangmah keimah naak in a fiimmi lawngte ansi hnacuh? Hihi cu ka Ram, Chinram ka daw timi lungput ahcun, a hardeuh suaumau hi awh?,” tiah Salai Lungthli Tum cabia comment a peek colh ve.

Salai Lungthli Tum nih a leh ve thanmi cu,“Than Tiam, Chinram hruaitu caah Nothankap ai tlak lo tiah ka ruah caah Hakha le Tt peng tal ah a tapeh pawl teinak an hmuh lonak hnga kai zuam lai ka ti. Na chimmi a dik. Chinram hruaitu caah Nothankap nak cun Lianluai a tha deuh tuk tiah ka ruah,” tiah Salai Lungthli Tum nih lehnak a tuah.

Leave a Reply