Tutan World Paih Champion cu zoh a nuam khun i mipi zong kan cawlcang ngaingai tiah ka ruah. Aruang cu Salai Lungthli Tum nih Ukling Thang biatak tein attanh i tangka thap bakin an i singkhaw hna. Salai Lungthli Tum nih cun Live tiang thlah in Singkhaw ngamhmi tiah a singkhaw len hna. Cun a facebook timeline singkhawnak ca ttial i Facebook “James Lalramzaua” nih US $8000 kan singkhaw tiah a ti i Salai Lungthli Tum nih $1000 rak pe te ko tiah comment lehnak a tuah i cu hnuah zeitin an i chawn cu theih a si ti lo.

New Delhi ah khuasa mi Pu Tin Duh Thang zong nih a facebook cahmai (timeline) ah Rung Lian Ceu lei ttangin Salai Lungthli Tum cu US $1000 in a singkhaw ve nain Salai Lungthli Tum nih lehnak a tuah lo. Cun Facebook Van Khua timi nih Salai Lungthli Tum cu hitihin a zuamcawh ve tthan. “Salai lungthli Tum nang nih uk ling thang na zumh deuh kei nih rung lian ceu ka zumh deuh rung lian ceu lei ah $3000 ka thap na ngamh ah cun rak ka let na ka theih mi ka si lo ca ah na ngamh tak ah cun us um mi u pa pa khat khat sin ah $3000 cu chiah khawh si van ceu mang khi na theih mi si kei mah he zong ai thei mi kan si i a ni can a tlin hlan ah chiah khawh si rak ka let,” tiah amah Faebook cahmai (Timeline) a singkhaw.

Salai Lungthli Tum zong nih cun lehnak a rak tuah ve cawlh i $3000 si loin thongkhat ($1000) si ko seh tiah  a leh i a donghnak a leh tthanmi cu ” Kan leh ko khah, na sungh ahcun pek ka philh hlah” tiah Salai Lungthli Tum cun Van Khua cu lehnak a tuah. Tutan ah Salai Lungthli Tum hi dollar thongli ($4000) hrawng sungh dawh a si.

A ruang cu Uk Ling Thang nih a tei lai, Rung Lian Ceu lei in a ngamh mi nih dollar $1000 rak thap uh tiah zuam cawhnak a tuah hna i an vun i paih taktak tikah cun Rung Lian Ceu nih a tei diam caah sungh ngai dawh a si. Salai Lungthli Tum nih puai dih hnuah a facebook cahmai (Timeline) ah ca a vun thlah i laitlang leiin “Pa Thang” timi nih Salai Lungthli Tum Comment a pekmi cu “SLTT, Na bia kaa zumh sual i Lailei ah kan i thap len ve hna, Ks.100000 na ka sunghter,” tiah Pa Thang comment a pek ve.

Note: Hihi kanmah ruahnak in kan ttialmi a si lo. Pumpak timeline zoh in Salai Lunthli Tum a zuamcawh (singkhaw)mi hna nih anmah pumpak Facebook cahmai ah an tarmi zohchih in ttialmi le Salai Lungthli Tum Facebook charchan in kan ttialmi a si.