Independent in ai cuh dingmi mino tampi nih kan ibochan ngaimi Salai Lungthli Tum ih nih MP a tlin ahcun a tuah dingmi kong fiang ngaiin a von langhter ṭhan uar a um tuk hringhran.

Party pawl nih ‘Lungthli Tum cu independent a si caah zeihmanh a tuah kho lai lo, nan lampi zong an cawh piak kho hna lai lo’ tiah khuate tampi ah an chim. Kei cu anmah bantuk in ka tuah khawh dingmi ka chim tuk rih lai lo, pakhat te lawng ka chim ko lai.

MP ka tlin ahcun Aizawl ah keimah pumpak phaisa hmang in lam cawhnak seh JCB ka cawk lai i keimah aka tanpitu khuate kip lampi free in ka cawh piak hna lai, diesel le datsi man belte a pe khomi khua nih an pek te lai. Mah te hi cu vuanci tuan thengte a hau lo, fawi tuk in midang bawmh hal hau loin ka tuah khawhmi a si ko.

MP ka tling rih lo, nain Mara ram caah motor lampi le hlei a herh tuk tiah Facebook te hmang in kan hnu zarh ah biatak tein ka aupi—VP Vanthio, Hluttaw Speaker le vuanci tiang ca ka kuat hna.

Tuhi zarh hnih lawng a si rih, zahan ah Mara ram lampi le hlei caah cozah phaisa ting thonghra deng a tla ko. Lawmh a um tuk. Mah hi keimah thil ti khawhnak a si lo, cozah nih a tuan hnga ding tlai deuh tu ah a rak tuanmi a si ko. Kei cu warning a petu menmen ka si.