Salai Lungthli Tum-Mitthli Le Ṭah Bu In Lawmh Bia An Chimmi Hmuh Tikah Lungthin Nih A Celh Lo

Chin News

Hmanthlak hi zoh hna hmanh, zeitluk in dah an harsa timi hmuh khawh a si. Tampi cu pum tlamtlinglo an si, cheukhat cu an tar cang i zohkhenhtu fale an ngei hna lo, cheukhat cu an dam lo ruang ah rian an tuan kho lo i vansang in an um.

Image may contain: 2 people, people standing, text that says "SHOT ON MI 10 5G Al QUAD CAMERA"

‘Sii cawknak ding phaisa ka ngei lo i sii ka din lonak thlakhat a si cang, nan ka bawmh cu kaa lawm tuk ee’ tiah mitthli he a ttap chihmi a mithmai hmuh tikah lungthin nih a celh lo. Ka pasal a um ti lo, ka fale zohkhenh an hau, kei hi rian ka tuan kho lo, ka fale sianginn kai ding an si i uniform zalhnak le ball pen cawknak phaisa zong ka ngei lo i ka lungpit ko ee’ tiah a chimtu nuhmei pakhat a intuar ning zoh ah zaangfak tuk khi a si.

Image may contain: 2 people, people standing

Ka naule pathum hi khuate ah zarh thum leng an riak cang, atu hi Hakha peng khuate an pek dih cang hna, Lautu le Mara le Thantlang peng khua tam deuh an pek cang hna. Fur lio a si i lam a tha tuk lo caah ruah ning leng in a har deuh, a rau deuh fawn. Khuate harsa deuh kan bawmh hna nak kong hi Facebook ah ka tial tawn, hiti ka tial ruang ah soiselnak zong um pah theu. Nain, a poi ka ti lem lo.

Image may contain: 1 person, sitting, guitar and child, text that says "SHOT ON MI 105G လ Al QUAD CAMERA"

Aruang cu hiti ka tial ruang ah aho ca hmanh ah harnak le chiatnak a chuahpi hrim lo. Kei ka duhmi cu midang zong nih keimah bantuk in harsa bawmh duhnak lungthin ngei cio ve hna seh, pekchanhnak lei ah thazaang chuah cio ve hna timi khi a si.Caṭialtu: Salai Lungthli Tum

Leave a Reply