Kan ram Myanmar vs Rohingya Ralhrang tanpitu phu: Rohingya Muslim ralhrang(ARSA) nih police le sualnak ngeilo mi tampi tampi zohchia in an rak thah hna, a thimi lakah kanmah Laimi lila an i tel. IS ralhrang he tahchunh an rak si. Kha lio ah Rakhine miphun le miphun dang hna cu thinphang le vansang ngai in an rak um.

NLD cozah le Tatmadaw nih Rohingya ralhrang phu an doh colh, Tatmadaw nih ceilak an kah. An i kahnak ruang ah Rohingya tampi Bangladesh ah an zam i harnak an tong. Cutikah ramdang international media le Muslim phu nih ARSA an sualnak hmu ti loin Suu Kyi le Tatmadaw sualnak lawngte vawlei sin ah an phuan. Atu cu Muslim phu an thawn tuk cang caah Rohingya buainak he pehtlaih in miphun cihmihtu tiah kan ram Myanmar cu ICJ ah tazacuai a tong. Tatmadaw lawng taza an cuai hna lo, kan ram le kan cozah tiang sual an kawlmi a si.

ARSA ralhrang bantuk in kan ram a huami hna nih cun Muslim phu an tanpi ngai ko hna vawlei hmai ah kan ram mualphoh kha i lawmh awk a si an ti. An dirhmun phundang ngai a si. Tutan tazacuai nak hi tlangcungmi cung ah Tatmadaw tuahsernak he ai pehtlaihnak a um lo Rohingya Muslim kong lawnglawng a si. Vawlei hmai ah Myanmar rammi dihlak kan limhang thlak an kan timhmi a si. Rammi pakhat na si ko nain vawlei hmai taza cuainak ah na chuahsemnak ram mualpho seh ti na duh ko ahcun khuaruahhar ngai na si hnga, rammi si awk na tlak lo ti khawh a si lai. Credit: Salai Lungthli Tum