Salai LTT nih sifaak santlai lo caah zeitluk in dah dawtnak le zawnruahnak a ngei i zei thiltha pawl dah a rak tuah cang hna ti cu chim hau lo zaapi theih asi ko.(Salai hi a mah pumpak he ai hmu bal mi kan si lo)Tutan ralkap aana lak a nikhatnak bak ah duhlonak langhter ding in a mah pumpak bak ai thawh hmasat hnu ah mipi ramchung/leng sawmnak ca zong a tial hmasa asi lai ka zumh. Nihin ni tiang dinh lo tein duh lonak a langhter peng long siloin sawmnak le forhfialnak ca zong cat loin a rak tial lengmang mi hmuh tik ah a cung ah kai lawmhnak le ka upatnak a sang chin.

8888 lio duh lo langhternak ah minung pazeizat liangluang nunnak dah a liam i zei bantuk thisen luannak dah a chuak ti cu philh awk tha lo tuan bia asi.Cu chung ah a lut cuahmah i a nunnak caah thinphan dai lo asi mi Salai LTT le ai tel kho mi kan lai mi , kan ram mi phun vialte hna caah thlacam dai hna hlah uh sih🙏🏻🙏🏻

Kum no tein fimthiamnak le rumnak thluahchuah a tin co long si loin miphun dawtnak a ngei mi Salai LTT kan ngeih hi Laimi kan van a tha. Salai kan upat, kan lawmh Bawipa nih himnak he lam in hruai hna seh law teinak hmu hram uh. “Teinak cu Bawipa ta asi” Credit: Lin Lin

Relchih: Where Are You Dr. Sasa & Dr. Peter? Hi ca ka ?ial tikah ka hua lai ucih. Anmah pahnih ka hua hna lo. A dang zong kan hua hna lo. Nan ka huat sual zong ah kan hua hna lailo. Kan upat mi Dr. Sasa le Dr. Peter Ngun Za Cung an tlau. Dr. Sasa hi January 20 tiang Facebook a cathlah kan hmuh. Dr. Peter hi December 27 tiang a cathlah kan hmuh.

Thimnak lio ah nang maw kei tiin zuamcawh a rak si. Kan mah le kanmah heh tiah kan i do, kan i al. February 1 in nihin ni 9 tiang an mui kan hmu hna lo. Ca zong an tar lo. An tlau. Kan herh ngaingai ko hna. November 8 ah rong phuntling kan si mi kha nihin ah cun rong phun khat kan si cang ee tiah rak kan chimhpiak te hna u. Kan mipi zong ralkap cozah dohnak ah CDC le lamzawh hun hruai hna sehlaw pei kan lungrualnak a kauh chinchin lai cu! An hruai ngam lo hmanh ah a forh tal van kan forh ve hna seh.

Ahohmanh kan him lo. Himnak hmun kawl ahcun khoika hmun hmanh a him lo. Himnak ram le vawlei kan ser hrimhrim a herh. Nan miphun, nan ram nan dawt taktak ko ahcun hung chuak uh! MP pawl.zong chuak u, Candidates hlun pawl zong chuak ve uh! Khoi ah dah nan um. Kan ram caah kan ram caah kan miphun ca ah ee kan ti mi kha a tu caan hi a si ve.

Zaanlei nineem ah Pathian nih Eden dum a len lio bang, Thlennak pakhat nih a kan len lio te a si. Adam bang kan i thuh sual ahcun techin fapar tiang an lo lai. Khah! I thawh uh. Lungrual caan cu a tu hi a si. Khoika Ah Nan Um? Cattialtu:
Salai ?ial Hram Ling