Salai Lungthli Tum: Hi Ruang Ah Hmawngtlang Khuami An Lungfak, Thih Ngamh In Lam Thar Cawh A Timhtu An Kham Hna

Chin News

1. Zephai le Vuangtu nih phaisa ting thong dih in Hripi hrialmi lam kan cawh. Meng tlawmpal lawng aa naih deuhmi a si. Kan unau Hriphi an lungfak, nan kan kaltak an ti. Atu cu Hriphi nih anmah tein lam an remh i kan khuami tam deuh nih Hripi lam an zulh than. Hriphi hrialmi lam cawhnak ah a dihmi phaisa vialte kha Hriphi lam lungphahnak ah hman sisehlaw kan dihlak caah a thahnem tuk hnga mu ka ti.

Image may contain: 1 person, standing and indoor

2. Zophei kan pale nih kan unau Kuhchah hrial in Congthia direct lam an cawh rih, phaisa ting thong tampi an dih. Kuhchah khua hrial a si caah Kuhchah an lungfak tuk. Zophei nupa sin ah an lungfahnak an phuan, zei an rel piak hna lo. Nikum kha Congthia ah honnak an tuah, nain atu hi saikel hmanh a kal duh set ti lo. Laipawlung lam thiamthiam kan hmang dih than ko. Congthia direct lam cawhnak ah a dihmi phaisa vialte kha Laipawlung-Kuhchah-Congthia lam remhnak le kataya phahnak ah rak hmang hna sehlaw kan zapi caah a thahnem tuk hnga mu ka ti.

3. Hung Ngai cozah nih Congthia-Hnaring lampi cu Hmawngtlang khuachung an luhter. Hmawngtlang khua chung le a pawngkam cu kataya an phah cang. Nain, nai kha Zophei, Lautu, Mara le Zotung upa nih Hmawngtlang hrial in an khuataw in lam kalter ding ah cozah an hal. Lam cu a phei deuh ko nain tampi aa naih deuh tukmi a si lem lo. Hi ruang ah Hmawngtlang khuami an lungfak, thih ngamh in lam thar cawh a timhtu an kham hna.

Hmawngtlang hrialnak lam remhnak caah a dih dingmi phaisa vialte hi Hmawngtlang a lutmi lampi remhnak ah hmang deuh hna sehlaw Zotung, Mara le Lautu tiang a thahnem hna lai hlei ah Hmawngtlang zong a thahnem chih hnga. Sipuazi thanchonak tampi zong a chuahpi lai.

Zeitluk aa naih zong ah lam a chiat ahcun meng 50 zong nikhat kan rau ko. Nain, kataya phahmi lam ah cun meng 50 cu suimilam 1 kal hmanh a si lo timi kan i fian a herh ngai. Kanmah Zophei lei hi lam thar cawh le lam phunpuai tuah kan uar khun rua — world champion kan si lai dah. I uanpi tuk awk cu a si rua lo ka ti. Credit: Salai Lungthli Tum

Leave a Reply