Salai Lungthli Tum: Dr. Aye Aye Ngun, Pu Ngun Vung Le Pu Zobawi Cu Tuzaan Thawk In An Mitku Thaw Ngai Cang Lai

Hmuhning

Hakha peng ah Chin party CNLD arti khuai dawh an si hoi lo. Hakha peng CNLD candidate le NLD candidate an sining zoh ti hna tikah personality lei hrim in NLD nih an tei tuk hna. Cozah huham le Suu Kyi larnak an i chap fawn lai caah Chin party CNLD cu Hakha peng ah 2015 bantuk in arti khuailo a fawi ngai.

No photo description available.

Pu Sui Ṭhio hmunhma ah NLD nih Senthang peng uarmi Pu Lian Ceu an thlen khawh ahcun Pu Siang Mang zong ai cawl kho ve lai lo. Nain, Pu Sui Ṭhio khi Senthang peng nih an uar ti lo caah NLD nih amah an fehter sual ahcun Pu Siang Mang teinak a hmu khomi dirhmun ah a um.

Tender sok kong ah ziknawh a um ko, ca rak tial ulaw dan kan tat ...

Saya Robin zong mifel ngai cu a si. Nain, Laimi nih kan pa bik tiah kan ruah vemi Pu Tial Ling he an i tong hlei ah Hakha peng vialte a huapmi Pyithu Hluttaw MP an i cuh fawn caah a fawi lo, a ca ah ruahchannak a tlawm ngai tiah ka ruah.

Image may contain: 1 person, on stage, concert and indoor

Dr. Aye Aye Ngun, Pu Ngun Vung le Pu Zobawi cu tuzaan thawk in an mitku thaw ngai cang lai, zuamcawhtu CNLD candidate an thawng lo. Mah duh ning si thiam sehlaw Pu Siang Mang tal teinak hmu kho sehlaw zoh ai dawh deuh ngai hnga.

— Pu Tial Ling vs Saya Robin
— Dr. Aye Aye Ngun vs Rev. Dr. Ram Ceu Hnin
— Pu Zo Bawi vs Pu Van Chan Ceu
— Pu Ngun Vung vs Pu Chan Tin Mang
— Pu Sui Thio (or) Pu Lian Ceu vs Pu Siang Mang

Caṭialtu: Salai Lungthtli Tum

Leave a Reply