Salai Lungthli Tum Cu Pu No Than Kap Kongah A Ṭial Lengmang Ruangah An Thah Sual Lai Tiin Ralrin An Pek

Hmuhning

By Salai Lungthli Tum: Pu Siang Mang(CNLD) vs Pu Sui Thio(NLD) ah hin ahodah na duh deuh ka ti hna sehlaw a let zakhat in Pu Siang Mang ka duh deuh, kan miphun caah a let thongkhat in a tha deuh ka ti ko lai.

Pu Siang Mang - Laipaih le Miphun - YouTube

Saya Robin(CNLD) vs Pu Ngun Vung(NLD) zong ah a let thongkhat in Saya Robin ka uar deuh ka ti fawn lai. Midingfel an si le si lo a luancia an tuahsernak zoh tikah an i thlau tuk.

Nain, party zulhphung an cohlang hnu in cu party aiawh in thimnak an luh tikah an party hruaitu Pu Nothan Kap a bawmtu le a hriamnam an si sual lai ka phang, midingfel an si ko caah an tlin hnu zong ah No Than Kap cu an tanpi duh taktak hnga maw ti cu ka ruah len ve.

Chin Party Ih Tumtahmi Pu No Than Kap In A Relfiang | Vapual Auaw

“Zeitindah CNLD chairman Pu No Than Kap a sining le a luancia tuahsernak kong na tial ngam? Na tih lo ma? An thah sual lai dakaw’ tiah mi tampi nih ralrin an ka pek, abik in Hakha le Thantlang ka vahnak ah ralrin pek a tam khun. Zawnruahnak lungthin he ralrin aka pemi zong an um i thihphaih duh ah warning aka pemi zong an um ve.

Image may contain: 1 person, standing and indoor

“Mino te a simi keimah zong thah a ngamh ko lai, thah a duh ko lai tiah nan ruah i nan tihmi pa cu maw kan Chinram hruaitu ding ah thim nan duh i nan timh? A hruaimi party CNLD dirhkamh le vote pek cu indirect in amah vote pek bantuk a si i amah CM si khawhnak lam sial piak bantuk a si timi nan thei lo maw?” tiah ka leh theu hna.

Chin Party CNLD Ih Hmuitinmi Pahnih : CNLD A Tlin Le Upat Tlak ...

Party pakhat mee kan pek tikah kan duh zong duh lo zong ah indirect in party hruaitu mee kan pek a si, NLD vote na pek ahcun an hruaitu Suu Kyi or Lian Luai vote pek bantuk a si i CNLD vote pek ahcun an chairman Pu No Than Kap, Pu Ngaisak le Pu Zozam vote pek bantuk a si ve. Mipi kan lungfim i kan i fian ngai a hau.

Leave a Reply