AA nih Paletwa peng cu Rakhine ram a si an ti i chuh an kan timh. Facang phormi motor hmanh fawi tein an luhter duh ti lo, meithal in an kah. Phone tower an phih i a phunphun in Chinmi harnak an pek hna. CNF telh in zeibantuk Chin mibu hmanh nih AA cu kan thawl ngam hna lo, thawl khawhnak thazaang zong kan ngei rih lo.

Nain, Myanmar ralkap Tatmadaw nih thih ngamh in Chinmi vialte kan ral AA an doh hna. Tampi an nunnak an pek beh. Raltuk a si caah Chin mipi thihlohnak zong a um. Tatmadaw nih Paletwa peng ah AA doh hna hlah sehlaw Paletwa cu AA an headquarters ah ai chuah te ding a si.

Tatmadaw cu kan huat cio ko, an sualnak chim cawk lo a si. Nain, kan Chinram caah nunnak pek in kan ral an kan doh piakmi hi cu lunglawmhbia kan chim duh lo hmanh ah kan lung tal a fian ve a hau ka ti. Credit: Salai Lungthli Tum

Thawngpang thar rak rel chih: Antibody Testing. Coronavirus ruangah kan sining tampi a thleng. Social distancing hi a zungzal in tuah awk a that lai lo caah hmailei ah zetindah mah zawtnak in kan i kham khawh lai timi hi biapi bik in ruah ciomi a si. Coronavirus zawnak a chuah hlan kan sining kan phan kho than lai maw ti hi minung tampi bia kan i hal ciomi a si.

President Trump nih antibody testing tuah dingah nawl apek cang caah a ruah hlan ah antibody testing hi tuah cio a si te lai. Antibody testing tuah hnu ahcun virus a tei kho le tei kho lo kan i theih lai caah iralrin ding le iralring lo ding a hung fiang ngai te lai. Test tuahning cang cu kan thi an laak lai i, positive kan si le si lo chek a si te lai.

Kan pum chungah hin Y bantuk tein a ummi, proteins dat nih a chuahmi white blood cell a um i, mah cu antibody tiah auh a si. Mah nih cun kan pum chungah virus pawl lut kho lo ding in a kham. Minung kan thi chungah antibodies a ngeimi hna cu immune cell an thawn caah kan pum chungah virus luh a timmi hna kha a kham khawh hna. Antibodies tesh ah positive asi mi hna cu an pum kha virus lut kho lo dingin a kham khawh hna caah midang zong zawtnak a chonh kho hna lo ti a si. Credit: Salai Lairamthang