Salai Lungthli Tum A Bia Ttihnung Chin Lengmang Cang

Chin News

Salai Lungthli Tum A Bia Ttihnung Chin Lengmang Cang: Rohingya ralhrang nih Leitak khuami Pu Za Mawng (lah-wah-kah riantuantu) zohchia tak in an thahmi le a dang sualnak ngeilo tampi an thah hna kha kn philh cang rua ti? Vei pawl cu kan ram kaltak in Muslim ralhrang bak nan tanh ko cang hi.

Image result for aung san suu kyi

Vei party pawl nih ‘Suu Kyi cu ralkap a dirhkamh, an sualnak thuh piak a timh hna’ tiah sual an puh. Nain, anmah bia i hlan ve ahcun anmah pawl khi power ngahnak ding le Suu Kyi thangchiat khawhnak ding caah cun Muslim ralhrang ARSA dirhkamh zong an tih lo, Rohingya ralhrang hawikom tha an si ko cang.

Image result for chin party

Tutan hi Than Shwe le Ne Win tazacuai an si lo. Tlangcung miphun kong zong a si lo. Rohingya kong ah kan ram le kan cozah taza an kan cuai a si. Muslim lei maw na tang lai or kan ram lei ah dah? timi a si. Salai Lungthli Tum

Image result for chin party

Kambia (Gambia) Lei Chimphuan Sualphawt nak: (Laiholh lawng atheihmi caah atlak ningin le Atawi fian nakin lehmi asi) Rohingya Genocide (Cihhmih) awk ah Kawl cozah nih Timciammam in le Hmuihtin ngeibakin an cawlcang ticu vawlei nih theihmi le el awk um lo mi asi. Hi bantuk ralhrang tuahser nak hi ngol cang seh ti kanduh.

Image result for icj judges

1948 Genocide Civuipi ah asenthuh mi Cihhmih loding in runven nak kha hnu achit diam cang. Arian asi zong aatheih lo. Kawl Ralkap nih timh ciammam tein Ngakchia hna kha mei in an khangh hna. Ngakchia that hrim kha an target asi. Nutarual le Kumtlinglo nu hna kha an Innpa le mi hmuh hang bak ah an tlaihrem hna. Rohingya khua 392 kha ciam dih cikcek in mei in an khangh. Muslim Inn le Bali an khangh dih hna nain Budhist Inn hna cu amah ningtein anum ko. (Cuduh Hmanthlak in).

2017 Tuksapur tukthah nak hlan hrim in Feibuk, tadinca le Phungki phungchimh nak poah ah Rohingya huat nak kar ding in biatak tein an tuah. Kawl mipi an thin mei bang linh ding in a forfial hna. Muslim huat ding thlaici biatak tein a tuk hna I acin zong acin fawn. Cutin an tuahto micung ah ngaichih le ka palh ko tiah chimhphuan nak zong an tuah lo. Cihhmih nak asi ti cu tehte dang hmanh aherh lem tilo. Nelrawn ah pumh hna in Rohingya thahnawn nak kha langhang ngai in hramhram in a tuah kha si ko.

Misual hna le thilsining hlathlai ding ah Kawl cozah nih an lehkhan lo. Pi Ci hrim nih Rohingya biafang hman lo ding in UN kha a rak nawl lehlam hna. Pi Ci nih Ralkap hna na buar mi sualnak mangtara hna kha athloh hna lo, sual aphawt hna lo, A limhang hman lo in dai tein azoh ziar hna, UN nih theih khawh lo ding in Tehte cheukhat cu Pi Ci a vaivuanter, UN report zong lehkhan loin a hnawn. UN ah chimhrel mi vialte kha dai zirziar tein an aoh ziar ko. Tutiang zong ah Genocide cu asi cuahmah I Kawlcozah nih hin ngol ter a timh hrimhrim lo.

Kawlram nihcun Rohingya siloin ARSA ralhrang katuk mi as i caah ICJ ah biaciehding asilo tiah el aduh rih fawn. ARSA le mipi kha thleidan lo in kahtholp in a kahthat hna hi I pheh an duh rih.1995 ah Bosnia Sarabranika Genocide thahnawn mi nakin Rohingya hi tuksapur deuh mi asi. ICJ lawng siloin ICC le Argentina-Nuhrin covo phu nih taza cuai tlak mi kawlram ansi hrim ko tihi a fiang hrinhran ko. El awk thalo mi asi. Saya Rung Kaw

Leave a Reply